Latest stories about Maryam Nawaz

پنجاب پروٹیکشن آف اونرشپ آف اموویبل پراپرٹی ایکٹ 2025 کی معطلی اعلیٰ عدلیہ کے طے شدہ اصولوں کے مطابق نہیں، قانون میرے ذاتی فائدے کیلئے نہیں بنایا گیا، معطلی سے غریب و مظلوم عوام کو نقصان اور تجاوزات و لینڈ گریبر مافیا کو فائدہ ہو گا۔

برطانوی شہر برمنگھم کی انتظامیہ وزیرِ اعلیٰ پنجاب مریم نواز شریف کے ستھرا پنجاب پروگرام کی معترف؛ برمنگھم میں صفائی ستھرائی کے مؤثر نظام کیلئے پنجاب ویسٹ مینجمنٹ اتھارٹی سے راہنمائی حاصل کی گئی، ڈیجیٹل رابطوں کا مقصد شہر میں صفائی کا نظام بہتر بنانا ہے۔

پنجاب میں ترقیاتی منصوبوں کا سلسلہ جاری ہے، خیبرپختونخوا کھنڈرات کا منظر پیش کر رہا ہے۔ خیبرپختونخوا کا سابق وزیرِ اعلیٰ محاذ آرائی میں مصروف رہتا تھا، موجودہ وزیرِ اعلیٰ اڈیالہ جیل کے باہر نظر آتا ہے۔ پاکستان کی ہر فتح اور کامیابی پر نواز شریف اور شہباز شریف کی مہر ثبت ہے۔

امریکی جریدہ فوربز کے مطابق پنجاب نے آٹھ ماہ میں وہ کر دکھایا جو دنیا کئی برس میں بھی نہ کر سکی۔ صوبے نے فضلے کے بڑھتے ہوئے بحران کو ختم کرتے ہوئے دنیا کا سب سے بڑا مربوط اور مکمل ڈیجیٹل ویسٹ مینجمنٹ سسٹم قائم کیا، جسے ستھرا پنجاب کے نام سے عالمی سطح پر پذیرائی ملی۔ یہ پروگرام وزیراعلیٰ پنجاب مریم نواز نے عہدہ سنبھالتے ہی شروع کیا اور صوبے کی صفائی اور شفاف شہری خدمات کو فوری ترجیح بنایا۔

ضمنی الیکشن کا بائیکاٹ کرنے والے خود الیکشن میں حصہ لے کر ہار گئے۔ پاکستان 2017 میں ترقی کی راہ پر گامزن تھا، ہمارے بعد ملک کا ستیاناس کر دیا گیا۔ عمران خان اکیلا مجرم نہیں، اسے لانے والے بھی برابر شریک ہیں، اُنکا بھی حساب ہونا چاہیے۔