Newsroom

بلوچستان کے عوام پاکستان کے ساتھ ہیں اور بلوچستان کسی صورت پاکستان سے الگ نہیں ہو سکتا۔ دہشتگردی کو محرومی سے جوڑ کر جواز نہیں بنایا جا سکتا، اور ریاست کے سوا کسی کو بندوق اٹھانے کا حق نہیں۔ بےگناہ شہریوں کے قتل کی اجازت نہیں دی جائے گی، دہشتگردوں کو نہیں چھوڑا جائے گا، مکالمہ صرف امن کے راستے پر ہوگا، جبکہ بلوچستان کی سڑکیں بند نہیں ہونے دیں گے۔

پاک فوج پوری قوم کی فوج ہے، ہم دہشتگردی کے خلاف جنگ میں روزانہ قربانیاں دے رہے ہیں، فوجیوں کی گردنیں تن سے جدا کر دی جاتی ہیں، فوج اپنے خون سے حلف کی تائید کر رہی ہے، افغانستان سے کوئی محبت نہیں، شہداء کے خون کے ہر قطرے کا حساب لیں گے۔

پنجاب دہشتگردی کے خلاف جنگ میں بلوچستان کے شانہ بشانہ کھڑا ہے، دہشتگردوں کو اُڑا کر رکھ دینا چاہیے۔ دفاعِ وطن میں قربانیاں دینے والوں کو خراجِ تحسین پیش کرتی ہوں۔ ایف سی استعداد بڑھانے کیلئے پنجاب حکومت 10 ارب روپے فراہم کرے گی۔

بھارتی ریاست منی پور میں سیکیورٹی فورسز اور مسلح گروہوں کے درمیان شدید جھڑپوں کے باعث حالات کی کشیدگی میں اضافہ ہو گیا۔ کرفیو کے نفاذ اور انٹرنیٹ کی مکمل طور پر بندش نے نظامِ زندگی کو مفلوج کر دیا۔ حکام کیلئے صورتحال پر قابو پانا چیلنج بن گیا۔

ریاض میں ورلڈ ڈیفینس شو 2026 کے دوران پاکستان کی دفاعی ہوا بازی کی صلاحیتوں، صنعتی اعتماد اور آپریشنل تجربات کا عالمی سطح پر مظاہرہ، پاک فضائیہ جے ایف 17 تھنڈر بلاک III اور سپر مشاق کی نمائش کر کے مئی میں پاک بھارت جنگ کے بعد بڑھتی عالمی توجہ کو برآمدی پچ پر لے آئی۔