مریم نواز نے قومی اسمبلی پہنچنے پرمیڈیا سے گفتگو کرتے ہوئے کہا ہے کہ اللہ تعالی کا شکر ہے کہ اس نے پاکستان کے عوام کی اس نااہل نالائق ترین اور ناکام ترین عوام دشمن حکومت سے جان چھڑوا دی ہے ابھی شہباز شریف وزیراعظم نہیں بنے لیکن سٹاک مارکیٹ اوپر جانا شروع ہوگئی ہے روپے کی قیمت مستحکم ہونا شروع ہوگئی ہے یہ ظاہر کرتا ہے کہ اب ملک ترقی کریگا۔
مریم نواز کا کہنا تھا کہ اگر فتنہ پھیلانے کی کوشش کی گئی عوام کی ترقی عوام کے امن اور سکون میں دراڑ ڈالنے کی کوشش کی گئی تو آہنی ہاتھوں سے نبٹا جائیگا اب یہ پرانی مسلم لیگ نہ سمجھیں۔
مریم نواز نے کہا کہ ہم انتقام پر یقین نہیں رکھتے انتقام لینا مسلم لیگ ن نواز شریف شہباز شریف پر یقین نہیں رکھتے لیکن حساب ضرور لیا جائیگا یہ جو لاہور سے بنی گالہ تک مال گاڑی چلتی تھی ایل این جی ادویات بلین ٹری سکینڈل سمیت جتنے بھی سکینڈلز ہیں ان میں انتقام نہیں ہوگا لیکن حساب ضرورہوگا۔
تحریک انصاف ویکیوم مشین سے اکٹھا کیا ہوا گند ہے انہوں نے حکومت جانے کو دل پر لے لیا ہے ان سے کہتی ہوں حوصلہ کریں یہ سب سیاسی عمل کا حصہ ہے انکے جانے پر غربت سے پسے ہوئے عوام نے سکھ کا سانس لیا ہے۔
