بادشاہ سلامت کا دربار لگا ہوا ہے ہرکارے اندر باہردوڑ رہے ہیں دوپہر ڈھلنے کو ہےاور بادشاہ سلامت کی آمد کا انتظار ہے یکایک صدا بلند ہوتی ہے
خبردار ہوشیار
بھاگ لگے رہن
مولا خوش رکھے
بادشاہ سلامت آخر کار تشریف لاتے ہیں
شلوار قمیض (جس میں موریاں ہیں) میں ملبوس پاوں میں کھیڑی پہنے بادشاہ سلامت بوٹاکس سے لتھڑے چہرے اور ٹرانسپلانٹ کیے گئے بالوں کیساتھ عمر رفتہ کو آواز دیتے ہوئے لائٹس کے جھرمٹ میں اپنی ملکہ آستانہ عالیہ کیساتھ تشریف لے آتے ہیں
دربار کی کاروائی کا آغاز ہوتا ہے بادشاہ سلامت آتے ہی لائٹنگ کی طرف اشارہ کرکے کہتے ہیں لائٹ تو ٹھیک ہے نا اور پھر پوچھتے ہیں کہ ہماری کنیز خاص الخاص کدھر گئی ہیں جواب ملتا ہے عالم پناہ وہ ملکہ عالیہ کے ایک خاص مشن پرصوبہ سرزمین پنج آب کے وزیر خاص کے ہمراہ کسی خاص ڈیلنگز میں مصروف ہیں
جواب سن کر عالم پناہ اپنی تیوری چڑھا کر ملکہ عالیہ کیطرف نظر اٹھاتے ہیں تو حجاب میں لپٹی ملکہ آستانہ عالیہ بادشاہ سلامت کے کان میں سرگوشی کرتے فرماتی ہیں مولا خوش رکھے آپ ہی نے تو گوگی کو معاملات طے کرنا بھیجا ہے یہ سنتے ہی عالم پناہ خوشی اورغصہ کے مدھر جذبات کیساتھ جلال میں آجاتے ہیں اور لائٹس کی چکا چوند میں حکم صادر فرماتے ہیں کہ کنیز خاص گوگی کو فوری حاضر کیا جائے
ہرکارے دوڑتے ہیں اور گوگی کو بلایا جاتا ہے گوگی دوڑتی کانپتی بادشاہ سلامت کی خدمت میں حاضر ہوتی ہے تو اس سے سوال ہوتا ہے کنیز خاص تم کس کی اجازت سے محل سے باہرگئی تھیں تو جواب ملتا ہے
میں نئیں بولدی
میرے اچ میرا یار بولدا
دیہاڑی لگ گئی جے
یہ سنتے ہی عالی جاہ کا مدھرجلال غائب ہوجاتا ہے اور چہرے پر ایک مسکراہٹ فاتحانہ نمودار ہوجاتی ہے
فوری دربار سمیٹنے کا اور لائٹیں بجھانے کا حکم دیکر کہا جاتا ہے کہ بس آج کیلئے اتنی کاروائی بہت ہے اب بادشاہ سلامت کے ریلیکس ہونے کا وقت ہوگیا ہے
عین اسی وقت پانی سے چلنے والے ہیلی کاپٹر کے پنکھوں کی پھرپھراہٹ سنائی دیتی ہے اور بادشاہ سلامت ایک مرتبہ پھر موریوں والی قمیض زیب تن کیے ہوئے اپنے پورے جاہ و جلال سے ہیلی کاپٹر کی طرف چل پڑتے ہیں
:ہرکارے آواز لگاتے ہیں
جاگدے رہنا
ساڈے تے نہ رہنا
دیہاڑی لگ گئی جے
چوری دا مال تے ڈانگاں دے گز
مولا خوش رکھے
بھاگ لگے رہن
∎
