نئی دہلی (تھرسڈے ٹائمز) — بھارتی اپوزیشن لیڈر ’’راہول گاندھی‘‘ نے کہا ہے کہ بھارتی حکومت نے محض 30 منٹس میں پاکستان کے آگے ہتھیار ڈال کر سرینڈر کر دیا، امریکی صدر ڈونلڈ ٹرمپ 29 بار کہہ چکے ہیں کہ اُنہوں نے پاکستان اور بھارت کے درمیان جنگ بندی کروائی، اگر ڈونلڈ ٹرمپ جھوٹ بول رہے ہیں تو پھر بھارتی وزیراعظم نریندر مودی میں دَم (ہمت) ہے تو وہ پارلیمنٹ میں آ کر دو ٹوک الفاظ میں اعلان کریں کہ امریکی صدر ڈونلڈ ٹرمپ غلط بیانی کر رہے ہیں اور یہ کہ بھارت کے جنگی جہاز تباہ نہیں ہوئے۔
امریکی صدر ڈونلڈ ٹرمپ 29 بار کہہ چکے ہیں کہ انہوں نے پاکستان اور بھارت کے درمیان جنگ بندی کروائی۔ اگر واقعی ڈونلڈ ٹرمپ جھوٹ بول رہے ہیں، اور بھارتی وزیراعظم نریندر مودی میں ہمت ہے، تو وہ پارلیمنٹ میں آ کر دو ٹوک الفاظ میں اعلان کریں کہ ٹرمپ غلط بیانی کر رہے ہیں اور بھارت کے جنگی… pic.twitter.com/Nb4jx3sQ5V
— The Thursday Times (@thursday_times) July 29, 2025
انڈین نیشنل کانگریس کے مرکزی راہنما اور بھارتی پارلیمنٹ کے ایوانِ زیریں (لوک سبھا) میں اپوزیشن لیڈر ’’راہول راجیو گاندھی‘‘ نے پارلیمنٹ میں خطاب کرتے ہوئے کہا ہے کہ حالیہ پاک بھارت جنگ میں بھارتی حکومت نے محض 30 منٹس میں پاکستان کے آگے ہتھیار ڈال کر سرینڈر کر دیا، بھارتی حکومت میں پاکستان کے ساتھ لڑنے کیلئے قوتِ ارادی ہی نہیں ہے، حکومت نے پاکستان کو اطلاع دی کہ ہماری کوئی سیاسی قوتِ ارادی نہیں ہے، ہم لڑنا نہیں چاہتے۔
بھارتی اپوزیشن لیڈر راہول گاندھی نے بھارتی خارجہ پالیسی کی ناکامی کا اعتراف کرتے ہوئے کہا کہ بھارتی خارجہ پالیسی کا سب سے بڑا ہدف یہ تھا کہ پاکستان اور چین کو ایک دوسرے سے الگ رکھا جائے لیکن صورتحال اِس کے برعکس ہو گئی ہے، آج پاکستان اور چین تاریخی حد تک ایک دوسرے کے قریب آ چکے ہیں۔
بھارتی اپوزیشن لیڈر راہول گاندھی کا بھارتی خارجہ پالیسی کی ناکامی کا اعتراف؛
بھارتی خارجہ پالیسی کا سب سے بڑا ہدف یہ تھا کہ پاکستان اور چین کو ایک دوسرے سے الگ رکھا جائے، لیکن صورتحال اس کے برعکس ہو گئی ہے۔ آج پاکستان اور چین تاریخی حد تک ایک دوسرے کے قریب آ چکے ہیں۔ pic.twitter.com/PD0ZdokgxS— The Thursday Times (@thursday_times) July 29, 2025
راہول گاندھی نے امریکی صدر ڈونلڈ ٹرمپ کا ذکر کرتے ہوئے کہا کہ امریکی صدر ڈونلڈ ٹرمپ 29 بار کہہ چکے ہیں کہ اُنہوں نے پاکستان اور بھارت کے درمیان جنگ بندی کروائی، اگر ڈونلڈ ٹرمپ جھوٹ بول رہے ہیں تو پھر بھارتی وزیراعظم نریندر مودی میں دَم (ہمت) ہے تو وہ پارلیمنٹ میں آ کر دو ٹوک الفاظ میں اعلان کریں کہ امریکی صدر ڈونلڈ ٹرمپ غلط بیانی کر رہے ہیں اور یہ کہ بھارت کے جنگی جہاز تباہ نہیں ہوئے، بھارتی وزیراعظم میں ہمت ہے تو کہہ دیں کہ ڈونلڈ ٹرمپ جھوٹا ہے۔
پاکستانی آرمی چیف فیلڈ مارشل عاصم منیر کو امریکی صدر ڈونلڈ ٹرمپ نہ صرف وائٹ ہاؤس کھانے پر مدعو کرتے ہیں بلکہ تمام سفارتی روایات توڑتے ہوئے اُن کا استقبال کرتے ہیں اور مبارکباد پیش کرتے ہیں۔ دوسری جانب ہمارے وزیراعظم نریندر مودی ہیں، جن میں نہ تو وہاں جانے کی جرات ہے اور نہ ہی یہ… pic.twitter.com/ZfLVGwQLxR
— The Thursday Times (@thursday_times) July 29, 2025
راہول گاندھی نے پاکستانی آرمی چیف اور امریکی صدر کی ملاقات کا ذکر کرتے ہوئے کہا کہ پاکستانی آرمی چیف فیلڈ مارشل عاصم منیر کو امریکی صدر ڈونلڈ ٹرمپ نہ صرف وائٹ ہاؤس کھانے پر مدعو کرتے ہیں بلکہ تمام سفارتی روایات توڑتے ہوئے اُن کا استقبال بھی کرتے ہیں اور مبارکباد بھی پیش کرتے ہیں، دوسری جانب ہمارے وزیراعظم نریندر مودی ہیں جن میں نہ تو وہاں جانے کی جرأت ہے اور نہ ہی یہ کچھ کہنے کا حوصلہ رکھتے ہیں۔
