اسلام آباد (تھرسڈے ٹائمز) — بادشاہِ اردن شاہ عبداللّٰہ دوم 2 روزہ دورے پر پاکستان پہنچ گئے۔
اردن کے شاہ عبداللہ دوم پاکستان کے دورے پر پہنچ گئے، وزیراعظم شہباز شریف کی جانب سے پروقار استقبالیہ تقریب۔ pic.twitter.com/hIkfitAN5Q
— The Thursday Times (@thursday_times) November 15, 2025
وزیراعظم شہباز شریف کی خصوصی دعوت پر اردن کے بادشاہ شاہ عبداللّٰہ دوم 2 روزہ دورے پر اسلام آباد پہنچ گئے ہیں جہاں وزیراعظم شہباز شریف اور صدر آصف زرداری نے اُن کا استقبال کیا ہے۔
وزیراعظم ہاؤس پہنچنے پر بادشاہِ اردن شاہ عبداللّٰہ دوم کے اعزاز میں پُروقار استقبالیہ تقریب کا انعقاد کیا گیا اور انہیں گارڈ آف آنر پیش کیا گیا، پرائم منسٹر ہاؤس میں شاہ عبداللّٰہ دوم کی وزیراعظم شہباز شریف کے ساتھ دو طرفہ ملاقات ہو گی جبکہ وفود کی سطح پر بھی ملاقات کی جائے گی۔
وزیراعظم ہاؤس سے جاری کیے گئے اعلامیہ میں کہا گیا ہے کہ شاہ عبداللّٰہ دوم کا دورہ پاکستان اور اردن کے دیرینہ تعلقات کو مزید مستحکم کرے گا جبکہ دونوں برادر ممالک کے درمیان دوطرفہ تعاون کے دائرہ کار کو وسعت دینے میں بھی معاون ثابت ہو گا۔
پرائم منسٹر ہاؤس سے جاری بیان میں مزید کہا گیا ہے کہ بادشاہِ اردن شاہ عبداللّٰہ دوم کا دورہ پاکستان اور اردن کے درمیان سیاسی، اقتصادی اور ثقافتی تعلقات کو مزید مضبوط کرنے کا باعث بنے گا۔
