لاہور (تھرسڈے ٹائمز) — وزیرِ اعلیٰ خیبرپختونخوا سہیل آفریدی نے مسلم لیگ (ن) کی پنجاب حکومت کو چیلنج دیتے ہوئے کہا ہے کہ اگر یہ سمجھتے ہیں عمران خان کی سیاست اور تحریکِ انصاف (پی ٹی آئی) پنجاب سے ختم ہو چکے ہیں تو میں کل شام 6 بجے مینارِ پاکستان پر جلسہ کا اعلان کرتا ہوں، یہ ہمارے مقابلہ میں کسی اور گراؤنڈ میں اپنا جلسہ کر لیں، پھر دیکھ لیتے ہیں کہ کس کے جلسہ میں زیادہ لوگ آتے ہیں اور عوام کس کے ساتھ ہیں۔
وزیراعلیٰ خبیرپختونخواہ سہیل آفریدی کا وزیراعلیٰ پنجاب کو چیلنج؛
اگر یہ سمجھتے ہیں تحریک انصاف پنجاب سے ختم ہوچکی ہے تو کل شام چھے بجے مینار پاکستان پر جلسے کا اعلان کرتا ہوں، یہ اپنا جلسہ ہمارے مقابلہ میں کسی اور گراؤنڈ میں اپنا جلسہ کریں، پھر دیکھ لیتے ہیں کس کے جلسے میں زیادہ… pic.twitter.com/4EtcbjdAPo— The Thursday Times (@thursday_times) December 27, 2025
خیبرپختونخوا کے وزیرِ اعلیٰ سہیل آفریدی نے اپنے دورہِ پنجاب کے حوالہ سے میڈیا کے ساتھ بات چیت کرتے ہوئے کہا ہے کہ گزشتہ روز پنجاب میں ہمارے ساتھ جو رویہ اختیار کیا گیا وہ جمہوری روایات اور اقدار کے سراسر منافی ہے اور پنجاب حکومت کی ذہنی و اخلاقی پستی کی عکاسی کرتا ہے، اِس طرح کے طرزِ عمل سے نفرتوں میں اضافہ ہوتا ہے، پنجاب اور وفاق میں جعلی طریقے سے حکمران بننے والوں کا واحد مفاد صرف دولت سمیٹنا اور پھر ملک سے فرار اختیار کرنا ہے، یہ لوگ مال بنانے کیلئے پاکستان کے 50 ٹکڑے بھی کرنا پڑے تو کر دیں گے۔
سہیل آفریدی نے کہا کہ خیبرپختونخوا میں تمام اپوزیشن جماعتوں کو ہمارے خلاف بولنے اور اپنے خیالات کا اظہار کرنے کی آزادی ہے لیکن یہاں پنجاب میں جو کچھ ہو رہا ہے وہ جمہوری روایات کے مطابق نہیں بلکہ جمہوریت کے برعکس ہے، ایک مخصوص ٹولہ اخلاقی اور ذہنی پستی کا شکار ہو کر جو کچھ کر رہا ہے اُس کا الزام کسی اور پر نہیں بلکہ انھی پر ہی آئے گا، جو کچھ انہوں نے کل ہمارے ساتھ کیا وہ ہمارے ہر رکنِ اسمبلی اور میرے ذہن پر نقش ہو چکا ہے۔
وزیرِ اعلیٰ خیبرپختونخوا کا کہنا تھا کہ ہمارا لیڈر (عمران خان) قومی یکجہتی کی علامت ہے، پنجاب کے عوام کی جانب سے مجھے جو عزت اور محبت دی جا رہی ہے وہ پوری دنیا دیکھ رہی ہے، میں وزیرِ اعلیٰ پنجاب (مریم نواز شریف) اور پنجاب حکومت کے تمام ارکان کو خیبرپختونخوا آنے دعوت دیتا ہوں تاکہ انہیں معلوم ہو سکے کہ اِس منصب کی عزت و تکریم کیا ہے اور جمہوری قوتیں کس طرح اِن اقدار کا خیال رکھتی ہیں، مریم نواز شریف جعلی طریقے سے پنجاب کی وزیرِ اعلیٰ بنی ہیں لیکن اِس کے باوجود ہم اُن کے منصب کی تکریم کریں گے۔
جو کچھ انہوں نے کل ہمارے ساتھ کیا، وہ ہمارے ہر رکنِ اسمبلی اور میرے ذہن پر نقش ہو چکا ہے۔ پنجاب کی وزیراعلیٰ اور ان کے وزرا کو دعوت دیتا ہوں کہ وہ خیبرپختونخواہ آئیں تو ہم انہیں دکھائیں گے کہ جمہوری لوگوں کی جانب سے منصب کی عزت و تکریم کس طرح کی جاتی ہے۔
وزیراعلیٰ خیبرپختونخواہ… pic.twitter.com/4gh9HpFKwW— The Thursday Times (@thursday_times) December 27, 2025
وزیرِ اعلیٰ خیبرپختونخوا سہیل آفریدی نے مسلم لیگ (ن) کی پنجاب حکومت کو چیلنج دیتے ہوئے کہا کہ اگر یہ سمجھتے ہیں عمران خان کی سیاست اور تحریکِ انصاف (پی ٹی آئی) پنجاب سے ختم ہو چکے ہیں تو میں کل شام 6 بجے مینارِ پاکستان پر جلسہ کا اعلان کرتا ہوں، یہ ہمارے مقابلہ میں کسی اور گراؤنڈ میں اپنا جلسہ کر لیں اور اپنے جلسہ کیلئے مقام کا انتخاب خود کریں، پھر دیکھ لیتے ہیں کہ کس کے جلسہ میں زیادہ لوگ آتے ہیں۔
سہیل آفریدی نے وزیرِ اعلیٰ پنجاب مریم نواز شریف کی حکومت اور مسلم لیگ (ن) کو دوسرا چیلنج دیتے ہوئے کہا کہ اگر یہ لوگ ایک دن میں جلسہ نہیں کر سکتے تو اگلے ہفتہ خیبرپختونخواہ میں جلسہ کر لیں جہاں انہیں ہماری طرف سے سٹیج اور ٹرانسپورٹ سمیت تمام سہولیات فراہم کی جائیں گی، یہ وہاں جلسہ کریں اور میں یہاں لاہور میں جلسہ کرتا ہوں، پھر دیکھتے ہیں کہ عوام کس کے ساتھ ہیں۔
