National

بھارت اسرائیل کی طرح عالمی قوانین اور انسانی حقوق کی خلاف ورزی کر رہا ہے، مودی نیتن یاہو کی سستی کاپی ہے، پاکستان کے پاس بھارتی دہشتگردی کے ناقابلِ تردید شواہد موجود ہیں، عالمی برادری کشمیر کے مسئلہ کو نظر انداز کرے گی تو یہ کشیدگی کا باعث بنے گا۔

بھارت کے خلاف پاکستان نے کوئی بیرونی مدد حاصل نہیں کی، اپنے وسائل اور صلاحیتوں پر انحصار کیا۔ ہر فیصلہ، ردعمل اور اقدام ہماری داخلی صلاحیت پر مبنی تھا۔ مستقبل میں تنازعات صرف کشمیر جیسے علاقوں تک محدود نہ رہیں گے۔

بلوچستان پاکستان کا حصہ ہے، کبھی پاکستان سے الگ نہیں ہو سکتا۔ بلوچستان میں دہشتگردی بھارتی سپانسرڈ ہے، بھارت خطہ میں عدم استحکام کا ذمہ دار ہے۔ بھارت کی بلوچستان سے کوئی ہمدردی نہیں، وہ پاکستان کا ازلی دشمن ہے۔

پاکستان ہر قسم کی جارحیت کو ناکام بنانے کی صلاحیت رکھتا ہے، پاکستان کو کبھی دباؤ میں نہیں لایا جا سکتا، جنوبی ایشیاء کے تزویراتی استحکام کیلئے مسئلہ کشمیر کا پُرامن حل ضروری ہے، دہشتگردی کے خلاف جنگ منطقی انجام تک پہنچائی جائے گی۔

پانی پاکستان کی ریڈ لائن ہے، اس بنیادی حق پر آنچ نہ آنے دیں گے۔ بھارت جان لے کہ پاکستان کشمیر کو کبھی نہیں چھوڑے گا۔ بلوچستان میں دہشتگرد ’فتنۃ الہندوستان‘ ہیں جن کا بلوچوں سے کوئی تعلق نہیں۔