تھرسڈے ٹائمز کے نیوز ڈیسک سے تازہ ترین خبریں۔
وزیرِ دفاع خواجہ آصف نے طالبان حکومت کو سخت لہجے میں خبردار کرتے ہوئے کہا کہ اب ہماری تمہاری کھلی جنگ ہوگی اور “دما دم مست قلندر” ہوگا۔ انہوں نے کہا کہ پاکستان کی فوج سمندر پار سے نہیں آئی بلکہ ہمسایہ ہونے کے ناتے زمینی حقائق اور حالات سے پوری طرح واقف ہے اور تمہاری اوقات بھی جانتی ہے۔
پاکستان کے افغانستان میں دہشتگرد ٹھکانوں پر حملوں نے طالبان حکومت میں دراڑیں ڈال دیں۔ کابل میں اعلیٰ سطحی ہنگامی اجلاس میں پاکستان کے ساتھ تعلقات، شدت پسند گروہوں سے متعلق پالیسی اور مُلّا ہیبت اللّٰہ کی قیادت کے حوالہ سے اختلافات کھل کر سامنے آ گئے۔
پاکستانی سیکیورٹی فورسز کی افغانستان میں 7 مختلف مقامات پر انٹیلیجنس بیسڈ سٹرائیکس، دہشتگردوں کے کئی ٹھکانے تباہ اور 100 سے زائد دہشتگرد ہلاک کر دیئے گئے۔ یہ کارروائیاں اسلام آباد، باجوڑ اور بنوں میں خودکش حملوں کے ردعمل میں کی جا رہی ہیں۔
جوڑ اور بنوں میں حالیہ دہشت گرد حملوں کے بعد پاکستان کا سخت ردعمل، فتنہ الخوارج اور داعش خراسان کے 7 ٹھکانے سرحدی علاقے میں نشانہ بنا دیے گئے۔ حکومت کا کہنا ہے کہ شہریوں کی سلامتی اولین ترجیح ہے اور افغان عبوری انتظامیہ اپنی ذمہ داری پوری کرے۔
عمران خان کو کسی قسم کی ’’ڈیل‘‘ کی پیشکش نہیں کی گئی، ریلیف سیاسی سودے بازی یا دباؤ کی حکمتِ عملی کے تحت نہیں بلکہ آئینی و قانونی طریقہ کار کے مطابق عدالتوں کے ذریعہ ممکن ہے، نومبر 2024 کے حوالہ سے پھیلایا گیا ڈیل یا آفر کا بیانیہ گمراہ کن ہے۔
پاکستان میں ہونے والے دہشتگرد حملے افغان حکومت اور بھارت کی ملی بھگت سے جاری پراکسی جنگ ہیں، پاکستان کے پاس افغانستان کے اندر کارروائی کا آپشن موجود ہے جو محض سرحدی علاقوں تک محدود نہیں رہے گی بلکہ کابل اور قندھار تک بھی جا سکتی ہے۔
بلوچستان کے عوام پاکستان کے ساتھ ہیں اور بلوچستان کسی صورت پاکستان سے الگ نہیں ہو سکتا۔ دہشتگردی کو محرومی سے جوڑ کر جواز نہیں بنایا جا سکتا، اور ریاست کے سوا کسی کو بندوق اٹھانے کا حق نہیں۔ بےگناہ شہریوں کے قتل کی اجازت نہیں دی جائے گی، دہشتگردوں کو نہیں چھوڑا جائے گا، مکالمہ صرف امن کے راستے پر ہوگا، جبکہ بلوچستان کی سڑکیں بند نہیں ہونے دیں گے۔
پاک فوج پوری قوم کی فوج ہے، ہم دہشتگردی کے خلاف جنگ میں روزانہ قربانیاں دے رہے ہیں، فوجیوں کی گردنیں تن سے جدا کر دی جاتی ہیں، فوج اپنے خون سے حلف کی تائید کر رہی ہے، افغانستان سے کوئی محبت نہیں، شہداء کے خون کے ہر قطرے کا حساب لیں گے۔
پنجاب دہشتگردی کے خلاف جنگ میں بلوچستان کے شانہ بشانہ کھڑا ہے، دہشتگردوں کو اُڑا کر رکھ دینا چاہیے۔ دفاعِ وطن میں قربانیاں دینے والوں کو خراجِ تحسین پیش کرتی ہوں۔ ایف سی استعداد بڑھانے کیلئے پنجاب حکومت 10 ارب روپے فراہم کرے گی۔
