پاکستان ایک ایٹمی طاقت رکھنے والا ملک ہے جو قائم رہے گا، اسے توڑا نہیں جا سکتا۔ فرانسیسی ماہرِ سیاسیات

اسلام آباد (تھرسڈے ٹائمز) — فرانسیسی ماہرِ سیاسیات جافرلو کرسٹوف نے کہا ہے کہ پاکستان ایک ایٹمی طاقت رکھنے والا ملک ہے اور اسے ختم نہیں کیا جا سکتا، بھارت کی یہ باتیں محض خیالی دنیا کی باتیں ہیں کہ پاکستان کو توڑا جا سکتا ہے یا کوئی آزاد بلوچستان بنایا جا سکتا ہے، پاکستان قائم رہے گا، پاکستان کو چین کی مکمل حمایت بھی حاصل ہے۔

ہمیں یاد رکھنا چاہیے کہ پاکستان ایک ایٹمی طاقت رکھنے والا ملک ہے اسے ختم نہیں کیا جا سکتا، یہ ملک نہ صرف قائم ہے بلکہ طویل عرصے تک قائم رہے گا۔ پاکستان سے انکار کی جو ذہنیت بھارت میں پروان چڑھ رہی ہے وہ نہ صرف غیر حقیقی ہے بلکہ خطرناک بھی، کیونکہ پاکستان ایک ایٹمی طاقت ہے جسے چین… pic.twitter.com/hM3CsxzxIx

— The Thursday Times (@thursday_times) June 1, 2025

فرانسیسی ماہرِ سیاسیات جافرلو کرسٹوف نے ایک نجی نیوز ایجنسی سے گفتگو کرتے ہوئے کہا ہے کہ ہمیں یاد رکھنا چاہیے کہ پاکستان ایک ایٹمی طاقت رکھنے والا ملک ہے اور اسے ختم نہیں کیا جا سکتا، پاکستان نہ صرف قائم ہے بلکہ طویل عرصہ تک قائم رہے گا، بھارت کے اندر پاکستان کے وجود سے انکار کی جو ذہنیت پروان چڑھ رہی ہے وہ حقیقت کے برعکس اور خطرناک ہے۔

جافرلو کرسٹوف کا کہنا تھا کہ پاکستان ایک مضبوط ایٹمی طاقت ہے جبکہ اسے چین کی جانب سے مکمل حمایت بھی حاصل ہے، پاکستان کو ختم نہیں کیا جا سکتا، بھارت کی جانب سے یہ باتیں محض خیالی دنیا کی باتیں ہیں کہ پاکستان کو توڑا جا سکتا ہے یا پھر کوئی آزاد بلوچستان قائم کیا جا سکتا ہے، ایسا نہیں ہو سکتا لہذا بھارت کو ایسے غیر حقیقی خیالات ترک کر دینے چاہئیں۔

فرانس کے معروف ماہرِ سیاسیات نے مزید کہا کہ پاکستان اور بھارت کے مابین فیصلہ کن جنگ یا ایٹمی تصادم جیسے تصورات مکمل طور پر غیر حقیقی ہیں، جب کوئی حکومت خود ایسے خواب دکھا کر جارحانہ بیانیہ اختیار کرتی ہے اور میڈیا اس جنون کو مزید بھڑکاتا ہے تو پھر اس کا انجام صرف مایوسی ہوتا ہے۔∎