اسلام آباد (تھرسڈے ٹائمز) — وزیراعظم شہباز شریف کا ایران کے صدر سے رابطہ، اسرائیلی جارحیت کے خلاف یکجہتی اور حمایت کا اظہار۔
پاکستان کے وزیراعظم شہباز شریف نے آج ایران کے صدر ڈاکٹر مسعود پزشکیان سے ٹیلیفونک رابطہ کیا ہے اور اسرائیل کی بلااشتعال جارحیت کے مقابلہ میں ایرانی عوام کے ساتھ پاکستان کی غیر متزلزل یکجہتی کا اظہار کیا ہے۔
Spoke with President Dr. Masoud Pezeshkian of Iran today to express Pakistan’s unwavering solidarity with the brotherly people of Iran in the face of Israel’s unprovoked aggression.
Strongly condemned the violation of Iran’s sovereignty and territorial integrity —an affront to…
— Shehbaz Sharif (@CMShehbaz) June 14, 2025
وزیراعظم شہباز شریف نے اسرائیل کی جانب سے ایران کی خودمختاری اور علاقائی سالمیت کی کھلی خلاف ورزی کی شدید مذمت کی ہے اور اسے اقوامِ متحدہ کے چارٹر اور بین الاقوامی قوانین کی صریح پامالی قرار دیتے یوئے کہا ہے کہ ایران کو اقوامِ متحدہ کے چارٹر کے آرٹیکل 51 کے تحت اپنے دفاع کا مکمل حق حاصل ہے۔
پاکستانی وزیراعظم نے سلامتی کونسل میں اسرائیلی جارحیت کے خلاف پاکستان کے دوٹوک اور اصولی مؤقف کو سراہنے پر صدر پزشکیاں کا شکریہ ادا کیا اور واضح کیا کہ پاکستان نے ایران، فلسطین اور خطہ کے دیگر متاثرہ ممالک کے دفاع میں ہمیشہ سچ اور انصاف کا ساتھ دیا ہے۔
دونوں راہنماوں نے اس بات پر اتفاق کیا کہ بین الاقوامی برادری بالخصوص مسلم امہ کو اسرائیل کی جانب سے عالمی قوانین کی مسلسل اور سنگین خلاف ورزیوں کے خلاف متحد ہو کر آواز بلند کرتے ہوئے مؤثر اقدامات کرنے چاہئیں تاکہ خطہ میں امن و استحکام کو یقینی بنایا جا سکے
