واشنگٹن (تھرسڈے ٹائمز) — وزیراعظم شہباز شریف اور آرمی چیف فیلڈ مارشل سید عاصم منیر کی امریکی صدر ڈونلڈ ٹرمپ سے ملاقات، جس میں دوطرفہ تعلقات، علاقائی اور عالمی امور پر تبادلۂ خیال کیا گیا۔
وزیرِ اعظم شہباز شریف، فیلد مارشل سید عاصم منیر اور امریکی صدر ڈونلڈ ٹرمپ کے مابین وائٹ ہاؤس میں ملاقات کے مناظر۔ pic.twitter.com/cGemomSS4W
— The Thursday Times (@thursday_times) September 25, 2025
وزیراعظم آفس کے مطابق یہ اعلیٰ سطحی ملاقات خوشگوار اور پُراعتماد ماحول میں ہوئی۔ وزیراعظم کے ہمراہ چیف آف آرمی اسٹاف فیلڈ مارشل سید عاصم منیر اور نائب وزیراعظم اسحاق ڈار بھی موجود تھے۔ امریکی نائب صدر جے ڈی وینس اور سیکریٹری آف اسٹیٹ مارکو روبیو بھی ملاقات میں شریک ہوئے۔
ہمارے پاس ایک عظم رہنما وزیراعظم پاکستان شہباز شریف آرہے ہیں، انکے ساتھ پاکستان کے فیلڈ مارشل عاصم منیر بھی ہیں جو ایک بہت عظیم شخصیت ہیں۔
امریکی صدر ڈونلڈ ٹرمپ pic.twitter.com/H3dUzlj0To— The Thursday Times (@thursday_times) September 25, 2025
ملاقات سے قبل صدر ٹرمپ نے وزیراعظم شہباز شریف اور فیلڈ مارشل سید عاصم منیر کو ’’عظیم رہنما‘‘ قرار دیتے ہوئے پاکستان کی قیادت کے انداز کو سراہا اور کہا کہ دونوں رہنما ملک کو شاندار انداز میں آگے لے جا رہے ہیں۔
