لاہور (تھرسڈے ٹائمز) — وزیرِ اعلٰی پنجاب مریم نواز شریف سے امریکی سفیر ڈونلڈ بلوم کی ملاقات، پاکستان کی تاریخ میں پہلی خاتون وزیرِ اعلٰی منتخب ہونے پر مبارکباد پیش کی۔
امریکی سفیر ڈونلڈ بلوم نے ملاقات میں وزیرِ اعلٰی پنجاب مریم نواز شریف کی عوام دوست منصوبوں پر تیزی سے عملدرآمد کروانے کیلئے کاوشوں کو سراہا، ڈونلڈ بلوم کا کہنا تھا کہ وزیرِ اعلٰی پنجاب مریم نواز شریف کی عوامی فلاح و بہبود کے منصوبوں میں خصوصی دلچسپی قابلِ ستائش ہے۔
اس موقع پر وزیرِ اعلٰی پنجاب مریم نواز شریف نے کہا کہ پاکستان اور امریکہ کے مابین اقتصادی تعلقات دہائیوں پر محیط ہیں، ہم پنجاب میں امریکی سرمایہ کاری کیلئے محفوظ ماحول فراہم کریں گے۔
امریکی سفیر ڈونلڈ بلوم کا کہنا تھا کہ امریکہ غربت کے خاتمہ اور اقتصادی ترقی کیلئے پنجاب کے ساتھ مل کر مزید کام کرنا چاہتا ہے۔∎
