اسلام آباد (تھرسڈے ٹائمز) — پاکستان سٹاک مارکیٹ میں ریکارڈ تیزی، ہنڈرڈ انڈیکس 84,000 کی سطح عبور کر گیا۔
پاکستان سٹاک ایکسچینج میں آج کاروبار کا آغاز مثبت رجحانات کے ساتھ ہوا اور کے ایس ای 100 انڈیکس نے ایک تاریخی سنگ میل عبور کرتے ہوئے 84 ہزار پوائنٹس کی نئی بلند ترین سطح تک پہنچنے میں کامیابی حاصل کی۔
کاروبار کے دوران پاکستان اسٹاک مارکیٹ میں زبردست تیزی کا رجحان جاری ہے، اور 600 پوائنٹس کے اضافے کے بعد، کے ایس ای 100 انڈیکس ملکی تاریخ میں پہلی بار 84 ہزار پوائنٹس کی سطح عبور کر کے 84,200 پوائنٹس کی نئی بلند ترین سطح پر پہنچ گیا ہے۔
یہ بات بھی قابل ذکر ہے کہ پچھلے ہفتے کا اختتام بھی پی ایس ایکس میں زبردست تیزی کے ساتھ ہوا تھا، جس میں 100 انڈیکس بلند ترین سطح پر پہنچ گیا تھا، اور اس ہفتے کے آغاز میں بھی یہ رجحان برقرار رہا۔∎
