اسلام آباد (تھرسڈے ٹائمز) — پاکستان اسٹاک مارکیٹ میں کاروباری ہفتے کے پہلے روز زبردست تیزی کا رجحان جاری ہے، جس کے باعث ہنڈرڈ انڈیکس 92,000 پوائنٹس کی سطح پر پہنچ کر ایک نیا ریکارڈ قائم کر چکا ہے۔
کاروبار کے دوران انڈیکس میں 1,075.00 پوائنٹس کا اضافہ ہوا، جو 1.18 فیصد اضافہ کے مترادف ہے۔ آج مارکیٹ کا بلند ترین مقام 92,072.17 پوائنٹس رہا، جبکہ کم ترین سطح 91,451.65 پوائنٹس ریکارڈ کی گئی۔
مارکیٹ میں کل حجم 16 کروڑ 56 لاکھ 95 ہزار 358 شیئرز کا رہا، جبکہ اس کا مجموعی مالیاتی حجم 12 ارب 88 کروڑ 90 لاکھ 60 ہزار 239 روپے تک پہنچا۔ گزشتہ ہفتہ کی اختتامی سطح 90,859.85 پوائنٹس پر ہونے کے بعد، آج مارکیٹ میں زبردست تیزی کے ساتھ کاروبار جاری ہے۔∎
