کراچی (تھرسڈے ٹائمز) — پاکستان سٹاک مارکیٹ میں تاریخی بلندیوں کا سفر جاری، بینچ مارک ہنڈرڈ انڈیکس میں 1 لاکھ 15 ہزار کی نفسیاتی حد بھی عبور ہو گئی۔
کاروباری ہفتہ کے آخری روز بھی پاکستان سٹاک مارکیٹ میں زبردست تیزی کا رجحان برقرار ہے، بینچ مارک KSE ہنڈرڈ انڈیکس 900 سے زائد پوائنٹس اضافہ کے ساتھ 1 لاکھ 15 ہزار 100 پوائنٹس کی سطح بھی عبور کر گیا۔
گزشتہ کاروباری روز کے اختتام پر 1 لاکھ 14 ہزار 180 پوائنٹس پر بند ہونے والا سٹاک ایکسچینج مجموعی طور پر ہنڈرڈ انڈیکس میں 991 اعشاریہ 94 پوائنٹس کے نمایاں اضافہ کے ساتھ 1 لاکھ 15 ہزار 172 اعشاریہ 44 پوائنٹس پر ٹریڈ کرتا رہا۔
تجارتی حجم کو دیکھا جائے تو 44 کروڑ 36 لاکھ 61 ہزار 266 سے زائد حصص کا تبادلہ ہو چکا ہے جبکہ تجارتی مالیت 21 ارب 13 کروڑ 35 لاکھ 99 ہزار 721 روپے سے زائد رہی ہے۔∎
