Latest stories about Toshakhana

اسلام آباد ہائی کورٹ نے توشہ خانہ کیس میں سابق وزیراعظم عمران خان اور ان کی اہلیہ بشریٰ بی بی کی سزا معطل کر دی ہے جبکہ چیف جسٹس اسلام آباد ہائی کورٹ جسٹس عامر فاروق نے کہا ہے کہ سزا کے خلاف اپیل عید کے بعد مقرر کریں گے۔

توشہ خانہ کیس تفصیلی فیصلہ کیمطابق عمران خان اور بشریٰ بی بی نے وزیراعظم آفس کا غلط استعمال کرتے ہوئے 157 کروڑ سے زائد کا مالی فائدہ حاصل کیا۔ عمران خان اور بشریٰ بی بی نے سعودی ولی عہد سے ملے 3 ارب 16 کروڑ کے گراف جیولری سیٹ کو اپنا اثرورسوخ استعمال کرکے صرف 90 لاکھ میں حاصل کیا۔

توشہ خانہ کیس میں سابق وزیراعظم عمران خان اور ان کی اہلیہ بشریٰ بی بی کو چودہ چودہ برس قید بامشقت اور ایک ارب 57 کروڑ 40 لاکھ جرمانہ کی سزا سنا دی گئی ہے جبکہ عمران خان کو 10 برس کیلئے نااہل بھی قرار دے دیا گیا ہے۔

حکومت ختم ہونے کے بعد جنرل قمر باجوہ سے ایوانِ صدر میں دو بار مذاکرات ہوئے، جنرل باجوہ نے کہا اچھے بچے بن جاؤ دو تہائی اکثریت دلاؤں گا، پلان سی تیار ہے 8 فروری کو پتہ لگ جائے گا، میں نے کبھی فوج کے خلاف بات نہیں کی۔

سابق چیئرمین تحریکِ انصاف عمران خان اور ان کی اہلیہ بشریٰ بی بی پر توشہ خانہ کیس میں فردِ جرم عائد کر دی گئی ہے جبکہ بشریٰ بی بی کو 190 ملین پاؤنڈز کرپشن کیس کی نقول بھی فراہم کر دی گئی ہیں۔