قومی اسمبلی بحال ڈپٹی اسپیکر کی رولنگ غیر قانونی قرار، سپریم کورٹ

سپریم کورٹ آف پاکستان کے پانچ ججز پر مشتمل بنچ نے متفقہ طورپر تاریخی فیصلہ سناتے ہوئے ڈپٹی اسپیکرقاسم سوری کی جانب سے دی گئی قومی اسمبلی کی رولنگ کو آئین سے متصادم قرار دے دیا ہے۔

اس موقع پر چیف جسٹس نے عمران خان کے اسمبلی توڑنے کے اقدام کو غیر قانونی قرار دیتے ہوئے قومی اسمبلی کو بحال کرنے کا حکم جاری کردیا ہے اور ساتھ ہی ۹ اپریل بروز ہفتہ صبح دس بجے قومی اسمبلی کا اجلاس منعقد کرنے کا حکم دے دیا ہے جس میں تحریک عدم اعتماد پیش کی جائیگی اورکہا گیا ہے کہ ہر ممبر کو آزادانہ ووٹ کاسٹ کرنے کی مکمل اجازت ہوگی۔

سپریم کورٹ کی جانب سے کہا گیا ہے کہ عدم اعتماد کامیاب ہونے کی صورت میں نئے وزیراعظم کا فوری انتخاب کیا جائیگا۔

سپریم کورٹ نے اپنے فیصلے میں کہا ہے کہ صدر کی جانب سے دیے گئے نگران حکومت کے احکامات بھی کالعدم قرار دیے جاتے ہیں۔