مسلم لیگ ن کی نائب صدر اور مرکزی قائد مریم نواز کا کہنا ہے کہ جس طرح سے عمران نے 4 سال میں ملک کے ہر شعبہ میں تباہی مچائی، ملک کو ہر سطح پر نقصان پہنچایا، جس ڈھٹائی سے آئین شکنی کی اور عدلیہ کے احکامات اور قانون کا مذاق بنایا، انھیں پاؤں تلے روندا، اور اب جس طرح وہ فساد پھیلانے کی تیاری کر رہا ہے، ریاست کو اس سے ایک فتنہ کے طرح نبٹنا ہو گا۔
انکا مزید کہنا ہے کہ عمران خان نے خطرناک کھیل کھیلا ہے۔ یہ شخص اپنی کرسی کی خاطر کسی حد تک بھی جا سکتا ہے۔ یہ کسی بھی رحم یا رعایت کا مستحق نہیں۔
واضع رہے کہ اسے قبل کل میاں نواز شریف نے لندن میں میڈیا سے بات کرتے ہوئے کہا تھا کہ نہیں معلوم عمران خان کیا عزائم لیکر بیٹھا ہوا ہے یہ نہ قانون کو مانتا ہے نہ آئین کو مانتا ہے اور نہ ہی پارلیمنٹ کو مانتا ہے۔
مریم نواز کا کہنا ہے کہ قوم یہ جان کے کہ امریکی خط ڈرامے کی وجہ عارف نقوی کے خلاف متوقع فیصلہ ہے کیونکہ وہ جس الزام میں پکڑا گیا ہے اس گھپلے میں عمران خان بھی شریک ہے کیونکہ عمران نے اس سے لاکھوں ڈالر غیر قانونی طور پر لیے ہوئے ہیں۔ ECP پر حملہ آور ہونے کی وجہ غیر قانونی فنڈنگ کے ناقابل تردید شواہد ہیں۔
انہوں نے کہا ہے کہ اداروں پر حملےاور گھیراو جلاؤ کا سبق بھی جلد انتخابات کے لیے دباو بڑھانے کا حربہ ہے۔ کان کھول کے سن لو! تمھاری غنڈہ گردی اور دھمکیاں اب تمھاری اپنی تباہی کا باعث بنیں گی۔ اپنی حکومت نا سنبھال سکا، اپنی پارٹی نا سنبھال سکا اور باتیں سن لو! تمھار کھیل ہمیشہ کے لیے ختم۔
