سیلاب، دہشتگردی، اسلاموفوبیا، بھارتی مسلمانوں پر ظلم، شہباز شریف کا اقوام متحدہ میں خطاب

وزیراعظم شہباز شریف نے اقوام متحدہ جنرل اسمبلی سے خطاب کرتے ہوئے کہا کہ میں یہاں پر پاکستان پر آئی اس بڑی آفت بارے خود آپ کو بتانے آیا ہوں جس آفت کی وجہ سے پاکستان ایک تہائی پانی کے نیچے ہے۔

وزیراعظم کا کہنا تھا کہ پاکستان پر جتنی بڑی آفت آئی ہے اس نے پاکستانیوں کی زندگیاں ہمیشہ کیلئے تبدیل کردی ہیں اور اس آفت کے آنے کی وجہ میں پاکستان کا رول بہت ہی کم ہے اس موقع پر شہباز شریف نے ان تمام ممالک کا شکریہ بھی ادا کیا جنہوں نے اس مشکل وقت میں پاکستان کو تنہا نہیں چھوڑا۔

شہباز شریف نے مزید کہا کہ ہم سیلاب سے متاثرہ خواتین کی بینظیر انکم سپورٹ پروگرام کے ذریعہ مدد کررہے ہیں جو سابق وزیراعظم بینظیر بھٹو مرحومہ کے نام پر ہے جنکے فرزند بلاول بھٹو آج ہمارے وزیرخارجہ ہیں۔

وزیراعظم پاکستان کا کہنا تھا کہ ہم اپنے تمام ہمسایہ ممالک بشمول بھارت کیساتھ امن چاہتے ہیں لیکن یہ تب تک ممکن نہیں جب تک کشمیر کا مسئلہ حل نہیں ہوجاتا جو تب ہوگا جب کشمیریوں کو حق خود ارادیت استعمال کرنے دیا جائیگا اس موقع پرکچھ دلچسپ مناظر بھی دیکھنے میں آئے جب شہباز شریف جب مسئلہ کشمیر کھل کر اقوام متحدہ میں اٹھا رہے تھے تو بھارتی مندوب کی پریشانی دیکھنے لائق تھی۔

شہباز شریف نے ورلڈ کمیونٹی کو توجہ دلاتے ہوئے کہا کہ میری اصل پریشانی اسوقت کی ہے جب میڈیا کے کیمروں کی توجہ پاکستان سے ہٹ جائیگی کیا پھر پاکستان کو تنہا چھوڑ دیا جائیگا کیونکہ آنیوالا والا وقت بہت مشکل اور کٹھن ہے۔

پاک بھارت تعلقات بارے بات کرتے ہوئے وزیراعظم نے کہا کہ ہم ہمسایہ ممالک ہیں ہم نے ہمسایہ ہی رہنا ہے یہ ہمارے اوپر منحصر ہے ہم نے امن کیساتھ رہنا ہے یا جنگیں لڑتے رہنا ہےاپنے مسائل کو خود بیٹھ کر حل کرنا ہوگا تاکہ ہم اپنے ریسورسز کو دونوں ممالک کی عوام کی فلاح و بہبود پر خرچ کرسکیں اس موقع پر شہباز شریف نے زور دیتے ہوئے کہا کہ جنگ کسی چیز کا حل نہیں حل نہیں حل نہیں کوئی حل اگر ہے تو وہ صرف بات چیت میں ہے۔

دہشتگردی کے بارے میں بات کرتے ہوئے وزیراعظم پاکستان نے کہا کہ پاکستان ہر قسم کی دہشتگردی کی مذمت کرتا ہے دہشتگردی کا کوئی مذہب نہیں ہوتا پاکستان دہشتگردی کا بری طرح شکار ہوا ہے جسکی وجہ سے ہم نے اسی ہزار قیمتیں جانیں گنوائیں اور ہمارا ڈیڑھ سو ارب ڈالر کا معاشی نقصان ہوا۔

انکا کہنا تھا کہ اسلامو فوبیا ایک عالمی رجحان بن چکا ہے 9/11 کے بعد مسلمانوں کے ساتھ ہونیوالا امتیازی سلوک ایک وبائی شکل اختیار کر چکا ہے بھارت کے مسلمانوں کے خلاف جبر کی سرکاری طور پر سپانسر شدہ مہم اسلام فوبیا کی بدترین مثال ہے۔

بھارتی مسلمانوں کی حالت زار عالمی دنیا کی توجہ دلاتے ہوئے شہباز شریف نے کہا کہ بھارتی مسلمانوں کے خلاف سرکاری طور پر سپانسرڈ مہم اسلامو فوبیا کی بدترین مثال ہے حجاب پر پابندی مساجد پر حملے ہندووں کے مسلمانوں کیخلاف پرہجوم تشدد پر مجھے سخت تشویش ہے جبکہ کچھ انتہا پسندگروہوں کی طرف سے ہندوستانی مسلمانوں کی نسل کشی کا مطالبہ بھی سامنےآیا ہے۔