Columns

News

بینک آف امریکا نے پاکستان کے ڈالر بانڈز کا درجہ بڑھا کر ہیوی ویٹ کرنے کی تجویز دے دی، جریدہ بلومبرگ

بینک آف امریکا نے پاکستان کا درجہ مارکیٹ ویٹ سے بڑھا کر ہیوی ویٹ کرنے کے تجویز دے دی، پاکستان میں عام انتخابات نے سیاسی بےیقینی کو کم کیا جس سے پاکستان کے ڈالر بانڈز میں عالمی سرمایہ کاروں کی دلچسپی میں اضافہ ہوا ہے۔

عمران خان اور بشریٰ بی بی پر 190 ملین پاؤنڈز کرپشن کیس میں فردِ جرم عائد کر دی گئی

اڈیالہ جیل راولپنڈی میں احتساب عدالت نے 190 ملین پاؤنڈز کرپشن کیس میں سابق چیئرمین تحریکِ انصاف عمران خان اور ان کی اہلیہ بشریٰ بی بی پر فردِ جرم عائد کر دی، ملزمان کا صحتِ جرم سے انکار، سماعت 6 مارچ تک ملتوی کر دی گئی۔

قومی اسمبلی کا اجلاس 29 فروری کو صبح 10 بجے ہو گا

صدر عارف علوی کے انکار کے بعد قومی اسبملی سیکرٹریٹ نے قومی اسمبلی کا اجلاس 29 فروری کو صبح 10 بجے بلا لیا۔

مریم نواز شریف پنجاب کی پہلی خاتون وزیرِ اعلٰی منتخب ہو گئیں

رف مسلم لیگ (ن) کی وزیرِ اعلٰی نہیں ہوں بلکہ پنجاب کے 12 کروڑ عوام کی وزیرِ اعلٰی ہوں، میرے دل میں کسی کیلئے انتقام کا جذبہ نہیں ہے، مجھے اس میں آپ سب کا ساتھ چاہیے، انشاءاللّٰه ہم ایک بہتر پنجاب بنائیں گے۔

مسلم لیگ (ن) کے ملک محمد احمد خان پنجاب اسمبلی کے سپیکر منتخب ہو گئے

مسلم لیگ (ن) کے ملک محمد احمد خان 224 ووٹس حاصل کر کے پنجاب اسمبلی کے سپیکر منتخب ہو گئے، سنی اتحاد کونسل کے امیدوار احمد خان بھچر کو شکست کا سامنا کرنا پڑا۔
Analysisنواز شریف انتخابات سے قبل عمران خان پر برتری حاصل کر رہے...

نواز شریف انتخابات سے قبل عمران خان پر برتری حاصل کر رہے ہیں، وطن واپسی سے مقبولیت میں اضافہ ہوا، جریدہ بلومبرگ

نواز شریف کی وطن واپسی سے ان کی مقبولیت میں اضافہ ہوا جبکہ عمران خان کی مقبولیت کم ہوئی ہے، نواز شریف اہم ترین صوبہ پنجاب میں 60 فیصد مقبولیت کے ساتھ مضبوط ترین ہیں، نواز شریف انتخابات سے قبل عمران خان پر برتری حاصل کر رہے ہیں۔

spot_img

نیویارک (تھرسڈے ٹائمز) — بین الاقوامی خبر رساں ایجنسی ”بلومبرگ“ کے مطابق نواز شریف پاکستان میں عام انتخابات سے قبل عمران خان پر برتری حاصل کر رہے ہیں، پاکستان میں مجموعی طور پر 52 فیصد مقبولیت کے حامل نواز شریف ملک کے اہم صوبہ پنجاب میں سب سے زیادہ مضبوط ہیں۔

بلومبرگ کے مطابق پاکستان میں عام انتخابات کے انعقاد میں ایک ماہ سے بھی کم وقت رہ گیا ہے، سابق وزیراعظم عمران خان سب سے زیادہ مقبول سیاستدان سمجھے جاتے ہیں تاہم اس ضمن میں نواز شریف نے گزشتہ برس وطن واپس آ کر قابلِ غور حد تک کامیابی حاصل کی ہے۔

نیو یارک میں قائم نیوز ایجنسی نے لکھا ہے کہ گزشتہ ماہ کیے گئے ایک گیلپ سروے سے ظاہر ہوتا ہے کہ ملک میں عمران خان 57 فیصد مقبولیت رکھتے ہیں جو کہ گزشتہ برس جون میں کیے گئے سروے کی نسبت کم ہوئی ہے اور اس سے پتہ چلتا ہے کہ سابق کرکٹر کو اب بھی وسیع پیمانے پر عوام کی حمایت حاصل ہے تاہم 71 سالہ عمران خان کو انتخابات میں حصہ لینے کیلئے نااہلی کا سامنا ہے۔

بلومبرگ کے مطابق 74 سالہ نواز شریف کی مقبولیت میں اضافہ ہوا ہے جو کہ گزشتہ برس کی نسبت 36 فیصد سے بڑھ کر 52 فیصد تک پہنچ چکی ہے، پاکستان کے سب سے زیادہ آبادی والے صوبہ پنجاب میں نواز شریف 60 فیصد مقبولیت کے ساتھ سب سے آگے ہیں جبکہ عمران خان 53 فیصد کے ساتھ دوسرے نمبر پر ہیں۔

نواز شریف اور ان کی جماعت مسلم لیگ (ن) سرگرم طور پر ووٹرز کی حمایت حاصل کر رہے ہیں، گیلپ سروے کے مطابق پنجاب میں نواز شریف کی جماعت مسلم لیگ (ن) کی عوامی مقبولیت میں 32 فیصد اضافہ ہوا ہے جو کہ عمران خان کی پارٹی تحریکِ انصاف سے محض دو فیصد پیچھے ہے۔

بلومبرگ نے لکھا ہے کہ کم و بیش 127 ملین اہل ووٹرز عام انتخابات میں اپنا حقِ رائے دہی استعمال کرنے کی تیاری کر رہے ہیں جس کیلئے انہیں نئی مردم شماری کے پیشِ نظر چار ماہ پیچھے دھکیل دیا گیا جبکہ پاکستان نے اپنی 76 سالہ تاریخ میں صرف تین بار ہی قومی اسمبلی کو اپنی مدت پوری کرتے ہوئے دیکھا ہے۔

امریکی نیوز ایجنسی کے مطابق مطابق عام انتخابات کے انعقاد میں اس تاخیر سے سابق وزیراعظم نواز شریف کو اپنی سزاؤں کے خلاف اپیلز دائر کرنے میں مدد ملی ہے جبکہ گزشتہ ہفتے پاکستان کی عدالتِ عظمٰی نے سیاستدانوں پر تاحیات پابندی کو ختم کرتے ہوئے انہیں انتخابات میں حصہ لینے کی اجازت دے دی ہے۔

بلومبرگ کے مطابق پاکستان میں آئندہ ماہ منعقد ہونے والے عام انتخابات کا مقصد اپریل 2022 میں عمران خان کی اقتدار سے بےدخلی کے بعد شروع ہونے والے سیاسی بحران کا خاتمہ ہے، عمران خان نے پاکستان کی فوج پر اپنی برطرفی کیلئے سازش کے الزامات عائد کیے تاہم فوج کی جانب سے ان الزامات کو کئی بار مسترد کیا گیا ہے۔

امریکی نیوز ایجنسی نے لکھا ہے کہ عمران خان اقتدار سے نکلنے کے بعد توہینِ عدالت سے لے کر دہشتگردی تک کئی مقدمات میں الجھ کر رہ گئے ہیں، الیکشن کمیشن آف پاکستان کی جانب سے عمران خان اور ان کی جماعت کے متعدد امیدواروں کے کاغذاتِ نامزدگی مسترد کر دیئے گئے ہیں جبکہ عمران خان کو 5 برس کیلئے نااہل قرار دے دیا گیا ہے۔

بلومبرگ کے مطابق گزشتہ برس مئی میں عمران خان کی گرفتاری کے بعد ان کے حامی سڑکوں پر نکل آئے جس سے بڑے پیمانے پر مظاہروں نے جنم لیا، مظاہرین کی جانب سے ریاستی املاک اور فوجی تنصیبات کو نقصان پہنچایا گیا جبکہ تحریکِ انصاف اس کے بعد سے ایک کریک ڈاؤن کی زد میں ہے، پارٹی کے کئی سرکردہ راہنما مستعفی ہو گئے جن میں سے کچھ راہنماؤں نے اپنی جماعتیں بنا لی ہیں۔

Read more

میاں نواز شریف! یہ ملک بہت بدل چکا ہے

مسلم لیگ ن کے لوگوں پر جب عتاب ٹوٹا تو وہ ’نیویں نیویں‘ ہو کر مزاحمت کے دور میں مفاہمت کا پرچم گیٹ نمبر 4 کے سامنے لہرانے لگے۔ بہت سوں نے وزارتیں سنبھالیں اور سلیوٹ کرنے ’بڑے گھر‘ پہنچ گئے۔ بہت سے لوگ کارکنوں کو کوٹ لکھپت جیل کے باہر مظاہروں سے چوری چھپے منع کرتے رہے۔ بہت سے لوگ مریم نواز کو لیڈر تسیلم کرنے سے منکر رہے اور نواز شریف کی بیٹی کے خلاف سازشوں میں مصروف رہے۔

Celebrity sufferings

Reham Khan details her explosive marriage with Imran Khan and the challenges she endured during this difficult time.

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
spot_img
Subscribe
Notify of
guest
0 Comments
Inline Feedbacks
View all comments
error: