اسلام آباد (تھرسڈے ٹائمز) — پاکستانی سٹاک مارکیٹ میں نئی تاریخ رقم، بینچ مارک ہنڈرڈ انڈیکس میں 90 ہزار کی نفسیاتی حد بھی عبور ہو گئی۔
کاروباری ہفتہ کے آخری روز پاکستان سٹاک مارکیٹ میں زبردست تیزی کا رجحان برقرار ہے، بینچ مارک ہنڈرڈ انڈیکس 1 ہزار 143 پوائنٹس اضافہ کے ساتھ 90 ہزار 89 پوائنٹس تک پہنچ گیا ہے۔
گزشتہ کاروباری روز کے اختتام تک 88 ہزار 945 پوائنٹس پر بند ہونے والی سٹاک مارکیٹ میں آج ہنڈرڈ انڈیکس 90 ہزار کی نفسیاتی حد عبور کر کے نئی تاریخ رقم کر چکا ہے، مجموعی طور پر آج ہنڈرڈ انڈیکس میں اب تک 1 ہزار 143 پوائنٹس (تقریباً 1 اعشاریہ 27 فیصد) کا نمایاں اضافہ ہو چکا ہے۔
تجارتی حجم کو دیکھا جائے تو 34 کروڑ 64 لاکھ 29 ہزار 236 سے زائد حصص کا تبادلہ ہوا ہے جبکہ تجارتی مالیت 17 ارب 79 کروڑ 27 لاکھ 45 ہزار 61 روپے سے زائد رہی ہے۔∎
