اسلام آباد (تھرسڈے ٹائمز) — پاکستان سٹاک مارکیٹ میں تیزی کا رجحان، بینچ مارک ہنڈرڈ انڈیکس میں 94 ہزار کی نفسیاتی حد عبور ہو گئی۔
کاروباری ہفتہ کے چوتھے روز پاکستان سٹاک مارکیٹ میں زبردست تیزی کا رجحان ہے، بینچ مارک ہنڈرڈ انڈیکس 670 پوائنٹس اضافہ کے ساتھ 94 ہزار 26 پوائنٹس تک پہنچ چکا ہے۔
گزشتہ کاروباری روز کے اختتام تک 93 ہزار 355 پوائنٹس پر بند ہونے والی سٹاک مارکیٹ میں آج ہنڈرڈ انڈیکس 94 ہزار کی نفسیاتی حد عبور کر چکا ہے، مجموعی طور پر آج ہنڈرڈ انڈیکس میں اب تک 670 اعشاریہ 96 پوائنٹس (تقریباً 0 اعشاریہ 71 فیصد) کا نمایاں اضافہ ہو چکا ہے۔
تجارتی حجم کو دیکھا جائے تو 60 کروڑ 11 لاکھ 62 ہزار 300 سے زائد حصص کا تبادلہ ہو چکا ہے جبکہ تجارتی مالیت 19 ارب 22 کروڑ 6 لاکھ 96 ہزار 922 روپے سے زائد رہی ہے۔∎
