واشنگٹن (تھرسڈے ٹائمز) — بین الاقوامی مالیاتی فنڈ (آئی ایم ایف) نے 9 مئی 2025 کو پاکستان کے لیے 2.3 ارب ڈالر کے مالیاتی پیکیج کی منظوری دے دی، جس میں 7 ارب ڈالر کے ایکسٹینڈڈ فنڈ فسیلٹی پروگرام کے تحت 1 ارب ڈالر کی دوسری قسط اور 1.3 ارب ڈالر کی ریزیلینس اینڈ سسٹین ایبلٹی فسیلٹی شامل ہیں۔ یہ منظوری پاکستان کی بہتر مالی کارکردگی اور اصلاحاتی اقدامات کے اعتراف میں دی گئی ہے۔
بھارت نے اس منظوری کی مخالفت کی کوشش کی، تاہم آئی ایم ایف بورڈ نے پاکستان کی اقتصادی اصلاحات اور کارکردگی کو مدنظر رکھتے ہوئے فیصلہ کیا۔ بھارت کے پاس آئی ایم ایف میں صرف %2.7 ووٹنگ شیئر ہے، جو اس کی کوششوں کی ناکامی کی ایک وجہ بنی۔
یہ پیشرفت پاکستان کی معیشت کے لیے ایک اہم سنگ میل ہے، جو زرمبادلہ کے ذخائر میں بہتری، مہنگائی میں کمی، اور نجی شعبے کی قیادت میں ترقی کی راہ ہموار کرے گی۔
