National

پاکستان ہر قسم کی جارحیت کو ناکام بنانے کی صلاحیت رکھتا ہے، پاکستان کو کبھی دباؤ میں نہیں لایا جا سکتا، جنوبی ایشیاء کے تزویراتی استحکام کیلئے مسئلہ کشمیر کا پُرامن حل ضروری ہے، دہشتگردی کے خلاف جنگ منطقی انجام تک پہنچائی جائے گی۔

پانی پاکستان کی ریڈ لائن ہے، اس بنیادی حق پر آنچ نہ آنے دیں گے۔ بھارت جان لے کہ پاکستان کشمیر کو کبھی نہیں چھوڑے گا۔ بلوچستان میں دہشتگرد ’فتنۃ الہندوستان‘ ہیں جن کا بلوچوں سے کوئی تعلق نہیں۔

پاکستان کی خوش قسمتی ہے کہ ہمارے پاس ترکیہ اور آذربائجان جیسے دوست موجود ہیں۔ ترکیہ اور آذربائیجان حالیہ بھارتی جارحیت کے خلاف کسی ہچکچاہٹ کے بغیر پاکستان کے ساتھ کھڑے ہوئے۔ بھارت پاکستان کا پانی روکنا چاہتا ہے لیکن ایسا کبھی نہیں ہو گا۔

ہم خطہ میں امن چاہتے ہیں، مسئلہ کشمیر اور پانی سمیت تمام تنازعات مذاکرات کے ذریعہ حل کرنا چاہتے ہیں، اگر بھارت نے جارحانہ رویہ برقرار رکھا تو ہم اپنے وطن کا دفاع کریں گے، غزہ میں جاری مظالم کی شدید مذمت کرتے ہیں۔

خضدار میں بچوں کی شہادت کے واقعہ میں ’’فتنۃ الہندوستان‘‘ ملوث ہے۔ بھارت خطہ میں امن کو سبوتاژ کر رہا ہے، بھارت لاہور سے لے کر بلوچستان تک دہشتگردی میں ملوث ہے۔ بھارت نے دوبارہ جارحیت کی تو ہم دوبارہ اسے سبق سکھا دیں گے۔