Political

پوزیشن ہولڈر طلباء ہمارے سروں کا تاج ہیں، آپ نے والدین اور اساتذہ کا نام روشن کیا، ہم نے بچوں کے ہاتھوں میں پیٹرول بم اور کیلوں والے ڈنڈے نہیں دینے، ہم تعلیم کے شعبہ میں بڑی اصلاحات لا رہے ہیں، آج بچوں کو گارڈ آف آنر ملتے دیکھا تو آنکھیں نم ہو گئیں۔

سابق وزیراعظم عمران خان نے آکسفورڈ یونیورسٹی کے چانسلر کے عہدے کے لیے باضابطہ طور پر اپنی امیدوار بننے کا اعلان کر دیا۔ یہ اقدام انہوں نے راولپنڈی کی اڈیالہ جیل سے کیا ہے،جہاں وہ کرپشن سمیت مختلف قانونی چیلنجز کا سامنا کر رہے ہیں۔

سپریم کورٹ نے بشریٰ بی بی اور نجم الثاقب کی مبینہ آڈیو کیس میں اسلام آباد ہائی کورٹ کے فیصلے کے خلاف وفاقی حکومت کی اپیل منظور کرتے ہوئے نوٹسز جاری کر دیے اور ہائی کورٹ کے 25 جون کے حکم کو معطل کر دیا۔

عوام مہنگائی کے کرب سے گزر رہے ہیں، جن کا 2017 میں 1600 بل آتا تھا آج ان کا 18 ہزار آتا ہے، مریم نواز نے ریلیف پیکج تیار کیا ہے، پنجاب میں 500 یونٹس تک بجلی استعمال کرنے والوں کو فی یونٹ 14 روپے ریلیف دیا جائے گا جس کیلئے 45 ارب روپے خرچ کیے جائیں گے۔

آئی ایس پی آر کے مطابق سابق ڈائریکٹر جنرل آئی ایس آئی لیفٹیننٹ جنرل (ر) فیض حمید کے کورٹ مارشل کے سلسلہ میں 3 ریٹائرڈ افسران کو فوجی ڈسپلن کی خلاف ورزی پر حراست میں لے لیا گیا، تینوں ریٹائرڈ افسران اور ان کے ساتھیوں سے مزید تفتیش جاری ہے۔

جنرل (ر) فیض حمید 9 مئی کے واقعات میں ملوث تھے، جنرل (ر) باجوہ کی ریٹائرمنٹ کے موقع پر فیض حمید آرمی چیف بننے کیلئے میاں نواز شریف کو پیغامات بھیجتے رہے، فیض حمید نے پیغامات میں نواز شریف سے معافیاں مانگیں اور قرآن کی قسمیں اٹھا کر آئندہ کیلئے یقین دہانی کرواتے رہے۔

غزہ میں مسلمانوں پر بدترین مظالم ڈھائے جا رہے ہیں، ان دلخراش واقعات کی وجہ سے ہمارے یومِ آزادی کی خوشیاں ماند پڑ گئی ہیں، اسرائیل جارحیت پر دنیا خاموش تماشائی بنی ہوئی ہے، تاریخ میں اس سے بدترین ظلم و زیادتی کی کوئی اور مثال نہیں ملتی۔

عدلیہ بار بار پارلیمنٹ کے اختیارات میں مداخلت کر رہی ہے۔ عدلیہ اتنی قابل ہے کہ عدالتیں بھی چلاتی ہے، ڈیم بھی بنا سکتی ہے، ٹماٹر اور سموسے کی قیمت بھی طے کر سکتی ہے۔ ایک جماعت کو وہ دیا گیا جو اس نے مانگا نہ تھا اور جس کی آئین و قانون میں گنجائش ہی نہ تھی۔

سوشل میڈیا پر جھوٹ پھیلانے، حقائق مسخ کرنے اور گالم گلوچ کا بازار گرم ہے، شہداء کی بےحرمتی کی جا رہی ہے، ہمیں آج قومی یکجہتی اور اتفاق و اتحاد کی جتنی ضرورت ہے اتنی پہلے کبھی نہ تھی، ہمیں پاکستان کو سماجی اور معاشی چیلنجز سے نکالنا ہے۔ وزیراعظم شہباز شریف

عمران خان نے 9 مئی کے واقعات پر مشروط معافی کا اعلان کیا ہے، کہا کہ اگر پی ٹی آئی کے کارکن ملوث پائے گئے تو معافی مانگوں گا اور ان کے خلاف کارروائی بھی کروں گا۔ انہوں نے رینجرز کی جانب سے بدسلوکی پر بھی معافی کا مطالبہ کیا۔

قومی اسمبلی میں الیکشن ایکٹ ترمیمی بِل 2024 کثرتِ رائے سے منظور؛ پارٹی سرٹیفکیٹ جمع نہ کرانے والا امیدوار آزاد تصور ہو گا، مقررہ مدت میں مخصوص نشستوں کی فہرست جمع نہ کرانے والی سیاسی جماعت مخصوص نشستوں کی حق دار نہ ہو گی، مقررہ مدت میں ایک بار کسی سیاسی جماعت سے وابستگی کا اظہار ناقابل تنسیخ ہو گا۔

اسماعیل ہنیہ کی شہادت امن کی کوششوں کو بڑا دھچکا ہے، پاکستان اسماعیل ہنیہ کے اہلِ خانہ اور فلسطینوں سے اظہارِ یکجہتی کرتا ہے، فلسطین ایک مقتل بن چکا، آنکھیں بند کرنے سے کام نہیں چلے گا، پاکستان فلسطین کی امداد جاری رکھے گا۔