پاکستان کا لیبیا کے ساتھ دفاعی معاہدہ دفاعی برآمدات، کامیاب عسکری سفارت کاری اور پاکستان کیلئے بڑھتے عالمی اعتماد کی علامت ہے، جبکہ وزیراعظم شہباز شریف اور چیف آف ڈیفینس فورسز فیلڈ مارشل عاصم منیر کی قیادت میں برآمدات میں اضافہ معاشی بحالی کا بنیادی ستون بن چکا ہے۔
واشنگٹن میں انڈیا فرسٹ پالیسی کا خاتمہ، سال 2025 انقلابی ثابت ہوا جس میں پاکستان امریکا کا اہم شراکت دار بن گیا۔ جس پاکستان کو واشنگٹن میں مشتبہ اور تزویراتی طور پر محدود سمجھا جاتا تھا، مئی میں بھارت سے جھڑپ کے بعد خطہ کا اہم کھلاڑی سمجھا جانے لگا ہے۔
مئی میں پاک بھارت فضائی جھڑپ کے دوران بھارت کے 4 رافیل طیارے تباہ ہوئے جبکہ مگ، سوخوئی اور بغیر پائلٹ فضائی گاڑیوں کو بھی نقصان پہنچا۔ پاکستان کے جے ایف 17 سی بلاک 3 نے بھارتی فضائی دفاعی نظام ایس 400 کو نشانہ بنایا۔
برطانوی شہر برمنگھم کی انتظامیہ وزیرِ اعلیٰ پنجاب مریم نواز شریف کے ستھرا پنجاب پروگرام کی معترف؛ برمنگھم میں صفائی ستھرائی کے مؤثر نظام کیلئے پنجاب ویسٹ مینجمنٹ اتھارٹی سے راہنمائی حاصل کی گئی، ڈیجیٹل رابطوں کا مقصد شہر میں صفائی کا نظام بہتر بنانا ہے۔
ترکیہ پاکستان میں دفاعی شراکت داری کے تحت جنگی ڈرونز کی اسیمبلنگ کیلئے نئی فیکٹری قائم کرے گا، یہ منصوبہ خطہ میں اپنا اثر و رسوخ بڑھانے کیلئے ترکیہ کی وسیع حکمتِ عملی کا حصہ ہے، انقرہ پاکستان کو KAAN ففتھ جنریشن فائٹر پروگرام کا شراکت دار بنانا چاہتا ہے۔
پاکستان تیزی سے خطے کی نمایاں ڈیجیٹل معیشت بن رہا ہے، جہاں بڑھتی ہوئی ڈیجیٹل سرمایہ کاری، نئے بینکاری لائسنس اور ڈیجیٹل اثاثوں کی پیش رفت نے مالی شمولیت کو نئی سمت دی ہے اور ملک کو عالمی کرپٹو اڈاپشن انڈیکس میں تیسرے نمبر تک پہنچا دیا ہے۔ امریکی ج
امریکی جریدہ فوربز کے مطابق پنجاب نے آٹھ ماہ میں وہ کر دکھایا جو دنیا کئی برس میں بھی نہ کر سکی۔ صوبے نے فضلے کے بڑھتے ہوئے بحران کو ختم کرتے ہوئے دنیا کا سب سے بڑا مربوط اور مکمل ڈیجیٹل ویسٹ مینجمنٹ سسٹم قائم کیا، جسے ستھرا پنجاب کے نام سے عالمی سطح پر پذیرائی ملی۔ یہ پروگرام وزیراعلیٰ پنجاب مریم نواز نے عہدہ سنبھالتے ہی شروع کیا اور صوبے کی صفائی اور شفاف شہری خدمات کو فوری ترجیح بنایا۔
فیلڈ مارشل عاصم منیر گزشتہ کئی دہائیوں میں پاکستان کے سب سے زیادہ بااختیار آرمی چیف ہیں جنہوں نے مئی میں بھارت کے خلاف جنگ اور وائٹ ہاؤس میں ڈونلڈ ٹرمپ سے قریبی روابط کے ذریعہ پاکستان کو دوبارہ جیو پولیٹیکل مرکز میں لا کھڑا کیا ہے، امریکا پاکستان سے تعلقات مضبوط بنا کر خطہ میں طاقت کا توازن از سرِ نو ترتیب دے رہا ہے۔
فیلڈ مارشل عاصم منیر پاکستان کی طاقتور ترین شخصیت ہیں جن کیلئے رواں برس انتہائی کامیاب ثابت ہوا ہے۔ بھارت کے خلاف جنگ میں زبردست کارکردگی دکھانے والے کمانڈر اب ڈونلڈ ٹرمپ کے پسندیدہ فیلڈ مارشل بن چکے جبکہ امریکا کے ساتھ ملکی تعلقات بھی کامیابی سے از سرِ نو ترتیب دیئے۔
پاکستان نے امریکہ کو بلوچستان کے ساحلی شہر پسنی میں بحیرۂ عرب پر نئی بندرگاہ قائم کرنے اور اس کا انتظام سنبھالنے کی پیشکش کی ہے۔ منصوبے کا مقصد امریکی سرمایہ کاری کے ذریعے پاکستان کے معدنی وسائل تک واشنگٹن کی رسائی بڑھانا ہے۔ یہ اقدام اسلام آباد کی نئی سفارتی حکمتِ عملی کا حصہ ہے، جو چین، امریکہ، ایران اور سعودی عرب کے درمیان اقتصادی تعلقات کو ازسرِنو ترتیب دینے پر مرکوز ہے۔
