بنگلہ دیش کی عبوری حکومت نے پاکستان کی ٹریڈنگ کارپوریشن آف پاکستان سے 50 ہزار ٹن چاول، 395 ڈالر فی ٹن پر خریدنے کی منظوری دے دی، حکومت کا مقصد ذخائر بڑھا کر مارکیٹ میں قیمتوں کا اتار چڑھاؤ کم کرنا ہے۔
پنجاب پروٹیکشن آف اونرشپ آف اموویبل پراپرٹی ایکٹ 2025 کی معطلی اعلیٰ عدلیہ کے طے شدہ اصولوں کے مطابق نہیں، قانون میرے ذاتی فائدے کیلئے نہیں بنایا گیا، معطلی سے غریب و مظلوم عوام کو نقصان اور تجاوزات و لینڈ گریبر مافیا کو فائدہ ہو گا۔
پاکستان نے لیبیا کے ساتھ 4 بلین ڈالرز سے زائد کے دفاعی معاہدہ کو حتمی شکل دے دی۔ معاہدے میں 16 جے ایف 17 لڑاکا طیاروں، پاک چین اشتراک سے تیار کیے گئے ایک ملٹی رول طیارہ اور 12 سپر مشاق ٹرینر طیاروں کی خریداری شامل ہے۔
سعودی وزیرِ دفاع شہزادہ خالد بن سلمان نے ریاض میں ملاقات کے دوران پاکستان کے آرمی چیف فیلڈ مارشل عاصم منیر کو کنگ عبدالعزیز میڈل آف ایکسیلنٹ کلاس پیش کیا، جبکہ سعودی بیان میں اسے دونوں ممالک کے درمیان اسٹریٹجک تعلقات اور دفاعی تعاون مضبوط بنانے کی کوششوں کا اعتراف قرار دیا گیا۔
اقوام متحدہ کے ماہرین کی رپورٹ میں مئی میں پاکستان کے خلاف بھارتی فوجی کارروائی کو بین الاقوامی قوانین کی خلاف ورزی قرار دیتے ہوئے خبردار کیا گیا ہے کہ سندھ طاس معاہدے کی خلاف ورزیاں علاقائی امن اور استحکام کے لیے سنگین اور دور رس نتائج کا باعث بن سکتی ہیں۔
آسٹریلیا میں بونڈی بیچ پر حملہ کرنے والے ساجد اکرم نے واقعہ سے چند ہفتے قبل بھارتی پاسپورٹ پر فلپائن کا سفر کیا جبکہ اُس کے بیٹے نوید اکرم نے آسٹریلیا کا پاسپورٹ استعمال کیا۔ دونوں ممالک کے حکام نے اِس سفر کے حوالہ سے تحقیقات کر رہے ہیں۔
شیر افضل مروت نے تحریکِ انصاف اور علیمہ خان پر مالی بےضابطگیوں کے سنگین الزامات عائد کر دیئے؛ پی ٹی آئی نے 26 نومبر کے نام پر 38 کروڑ روپے اکٹھے کیے جس کا باقاعدہ کوئی حساب نہیں، فنڈز علیمہ خان اور خدیجہ شاہ کے زیرِ انتظام تھے، وکلاء کو 1 ارب سے زائد روپے دیئے جا چکے، علیمہ خان بشریٰ بی بی کیلئے ایک دن کی مار ہیں۔
آئی ایم ایف کے مطابق پاکستان کی معیشت نے توقعات سے زیادہ استحکام دکھایا ہے۔ 14 سال بعد کرنٹ اکاؤنٹ سرپلس، بڑھتے زرمبادلہ ذخائر، افراطِ زر پر مؤثر قابو اور جاری اصلاحات نے اقتصادی بنیادیں مضبوط کی ہیں، اگرچہ موسمیاتی خطرات اور ساختی چیلنجز برقرار ہیں۔ سیلاب سے غذائی قیمتوں میں اضافہ ہوا، مگر مجموعی افراطِ زر قابو میں رہا۔آئی ایم ایف کا اعتراف: پاکستان کی معیشت میں بحالی، مضبوط سرپلس اور اصلاحات میں نمایاں پیش رفت
لیفٹیننٹ جنرل (ر) فیض حمید کو 14 برس قید بامشقت کی سزا سنا دی گئی جس کا آغاز 11 دسمبر 2025 سے ہو گا۔ سزا سیاسی سرگرمیوں، سیکریٹ ایکٹ کی خلاف ورزی، اختیارات و وسائل کے ناجائز استعمال اور شہریوں کو نقصان پہنچانے پر سنائی گئی ہے۔
افغانستان کے ممتاز علما و مشائخ نے کابل میں ایک تاریخی اجلاس کے بعد مشترکہ اعلامیہ جاری کیا ہے جس میں اسلامی امارت کی شرعی حیثیت، ریاستی خودمختاری، بیرونی مداخلت کے خلاف دفاع، اور غیر اسلامی اقوام کے ساتھ تعلقات کی شرعی حدود کو واضح کیا گیا ہے۔ علما نے امارتِ اسلامی کی اطاعت کو لازم، ملکی دفاع کو فرضِ عین، بیرونِ ملک مسلح سرگرمیوں کو ممنوع اور امتِ مسلمہ میں اتحاد کو وقت کی اہم ضرورت قرار دیا ہے۔
