We will completely eradicate Fitna al-Khawarij and its facilitators, says Prime Minister Shehbaz Sharif

Pakistan Defence Day is a great point of reference for the country's national identity, and no tribute is enough for those who gave their lives for the homeland; we will completely eradicate Fitna al-Khawarij and its facilitators, and we will not rest until we have crushed the head of terrorism.

Join the conversation

Translating from the Urdu… 1 of 3 Read the original

A file photo is shown of Prime Minister Shehbaz Sharif addressing a crowd on September 6, 2024. — FILE/THE THURSDAY TIMES
A file photo is shown of Prime Minister Shehbaz Sharif addressing a crowd on September 6, 2024. — FILE/THE THURSDAY TIMES
Listen to this articleWe will completely eradicate Fitna al-Khawarij and its facilitators, says Prime Minister Shehbaz Sharif3 min · device voice0:00 / 2:55

— وزیراعظم شہباز شریف نے کہا ہے کہ 6 ستمبر کا دن ہمیں اس قومی حمیت کی یاد دلاتا ہے جس سے سرشار ہو کر عظیم قوم نے طاقت کے زعم میں مبتلا دشمن کے مذموم ارادے خاک میں ملا دیئے تھے، وطن کی خاطر جان قربان کرنے والوں کو جتنا بھی خراجِ عقیدت پیش کیا جائے کم ہے۔

جنرل ہیڈ کوارٹرز (جی ایچ کیو) راولپنڈی میں یومِ دفاع و شہداء کی مرکزی تقریب سے خطاب کرتے ہوئے وزیراعظم شہباز شریف نے کہا ہے کہ افواجِ پاکستان کے بہادر جوانوں اور شہداء کے لواحقین سے مخاطب ہوں، یہ دن شہداء کی قربانیوں کی یاد دلاتا ہے، شہداء نے وطن کی آزادی و تحفظ کیلئے جانوں کا نذرانہ پیش کیا، وطن کی خاطر جانیں قربان کرنے والوں کو جتنا بھی خراجِ عقیدت پیش کیا جائے وہ کم ہے۔

وزیراعظم شہباز شریف کا کہنا تھا کہ 6 ستمبر کا دن ہمیں اس قومی حمیت کی یاد دلاتا ہے جس سے سرشار ہو کر عظیم قوم نے طاقت کے زعم میں مبتلا دشمن کے مذموم ارادے خاک میں ملا دیئے تھے، افواجِ پاکستان کے شیر سمندر و فضا اور زمین پر شاہین بن کر دشمن پر جھپٹے اور لاہور جم خانہ میں چائے پینے کا خواب دیکھنے والا دشمن اسلحہ پھینک کر اس سے بھی زیادہ تیزی سے فرار ہو گیا تھا جس رفتار سے اس نے پاکستان کی سرحدوں کو عبور کرنے کی فحش غلطی کی تھی۔

انہوں نے کہا کہ یومِ دفاع پاکستان کی قومی شناخت کا ایک عظیم حوالہ ہے، افواجِ پاکستان کا ہر جوان شوقِ شہادت کے جذبہ سے سرشار ہے، آپ کی وردی ہر ماں اور ہر بہن بیٹی کے سر کی چادر ہے، یہ وردی سبز ہلالی پرچم لہرانے کی علامت ہے، پاکستان ہم سب کا ہے، پاکستان کئی تہذیبوں کا سنگم ہے، اس کی حفاظت اور ترقی و خوشحالی ہم سب کی ذمہ داری ہے، پاکستان کا ناقابلِ تسخیر دفاع ہماری اولین ضرورت ہے۔

وزیراعظم پاکستان کا کہنا تھا کہ پاکستان امن پسند ملک ہے اور کسی ہمسائے کے خلاف جارحانہ عزائم نہیں رکھتا، پاکستان نے دہشتگردی و بدامنی کے خاتمہ اور خطہ کے امن کیلئے ہمیشہ مثبت کردار ادا کیا ہے، قوموں کو خوشحالی کی منزل ہمیشہ امن کے راستے سے ملتی ہے، فوج اور قانون نافذ کرنے والے ادارے فتنہ الخوارج کے خاتمہ تک آپریشن جاری رکھیں گے، یقین رکھیں کہ ہم دہشتگردی کا سر کچلنے تک سکون سے نہیں بیٹھیں گے۔

وزیراعظم شہباز شریف کا کہنا تھا کہ میں ان عظیم ماؤں کو سلام پیش کرتا ہوں جنہوں نے اپنے لختِ جگر وطن پر نثار کر دیئے اور اپنی ان عظیم ماؤں کی آنسوؤں کی قسم کھا کر کہتا ہوں کہ ہم ان کے بہادر بیٹوں کی قربانی ہر گز رائیگاں نہیں جانے دیں گے۔

TT News Desk

News from The Thursday Times' news desk.

More from this desk

The conversation

Comments are open on this story. An editor reads every one before it appears.

No one has said anything yet. Be the first.

Published by Thursday Media International thursday.media