پاکستان اسٹاک مارکیٹ میں زبردست تیزی، ہنڈرڈ انڈیکس 86,700 پوائنٹس کی سطح عبور کرگیا

پاکستان اسٹاک مارکیٹ میں زبردست تیزی کا رحجان جاری، 100 انڈکس سے 600 زائد پوانٹس اضافہ کیساتھ 86,700 پوانٹس کی سطح عبور کرگیا ہے۔ اسٹاک مارکیٹ میں تیزی کی وجہ سرمایہ کاروں کا بڑھتا ہوا اعتماد اور معیشت میں استحکام ہے۔

رائے دیں
An impression is shown of the Pakistan Stock Exchange. — MONTAGE/THE THURSDAY TIMES
An impression is shown of the Pakistan Stock Exchange. — MONTAGE/THE THURSDAY TIMES
یہ تحریر سنیںپاکستان اسٹاک مارکیٹ میں زبردست تیزی، ہنڈرڈ انڈیکس 86,700 پوائنٹس کی سطح عبور کرگیا2 منٹ · آلے کی آواز0:00 / 1:52

اسلام آباد (تھرسڈے ٹائمز) — پاکستان اسٹاک مارکیٹ میں زبردست تیزی کا رجحان برقرار، ہنڈرڈ انڈیکس 86,700 کی سطح پر پہنچ گیا۔

پاکستان اسٹاک مارکیٹ میں آج زبردست تیزی دیکھنے میں آئی ہے، جس میں کے ایس ای 100 انڈیکس نے 682.27 پوائنٹس کا اضافہ کرتے ہوئے 86,700 پوائنٹس کی سطح کو عبور کیا ہے۔ مارکیٹ میں کاروبار کے دوران انڈیکس کی بلند ترین سطح 86,846.03 رہی جبکہ کم ترین سطح 86,294.69 پوائنٹس رہی۔ کاروبار کا حجم 144,234,453 شیئرز رہا، اور مارکیٹ کی کل قدر 7,970,215,192 روپے رہی۔

بلومبرگ کی رپورٹ کے مطابق، پاکستان اسٹاک مارکیٹ کو 2024 کی دنیا کی بہترین کارکردگی والی مارکیٹ قرار دیا گیا ہے۔

 پڑھیے؛ پاکستان سٹاک مارکیٹ دنیا 2024 میں دنیا کی بہترین کارکردگی والی مارکیٹ بن گئی۔ جریدہ بلومبرگ

اس تیزی کا بنیادی سبب سرمایہ کاروں کا بڑھتا ہوا اعتماد اور ملکی معیشت میں استحکام ہے، جو عالمی مالیاتی ادارے کے ساتھ حالیہ معاہدے اور ترسیلات زر میں اضافے کی وجہ سے مزید مستحکم ہوا ہے۔

گزشتہ روز کا اختتام 86,057.51 پوائنٹس پر ہوا تھا، جب کہ آج کے کاروبار میں 0.79% کی بہتری ریکارڈ کی گئی۔ تجارتی حجم میں اضافہ اور معاشی اشاریوں میں بہتری نے اسٹاک مارکیٹ کی ترقی میں اہم کردار ادا کیا ہے، اور سرمایہ کاروں کا اعتماد مزید بڑھا ہے۔

تھرسڈے ٹائمز بزنس ڈیسک

تھرسڈے ٹائمز کے بزنس ڈیسک سے معیشت، منڈیوں اور کاروبار کی خبریں۔

اس ڈیسک کی مزید تحریریں

گفتگو

اس خبر پر رائے دی جا سکتی ہے۔ ہر تبصرہ شائع ہونے سے پہلے ایک ایڈیٹر پڑھتا ہے۔

ابھی کسی نے کچھ نہیں کہا۔ آپ پہلے ہوں۔

ناشر Thursday Media International thursday.media