امریکا نے ضبط شدہ ایرانی جہاز توسکا کے عملے کو پاکستان منتقل کر دیا۔ نائب وزیراعظم و وزیر خارجہ اسحاق ڈار کے مطابق، 22 عملہ ارکان کو بحفاظت پاکستان لایا گیا ہے، جہاں سے انہیں ایران بھیجا جائے گا۔ انہوں نے کہا کہ یہ کارروائی ایرانی اور امریکی حکام کے تعاون سے ہوئی اور اعتماد سازی کا ایک اہم قدم ہے۔
ایرانی وزیر خارجہ عباس عراقچی عمان کے ایک روزہ دورے کے بعد صرف چوبیس گھنٹے میں دوبارہ اسلام آباد پہنچ گئے ہیں، جس سے پاکستان کا کردار تیز رفتار علاقائی سفارت کاری میں مزید نمایاں ہو گیا ہے۔ ان کی فوری واپسی اس بات کا اشارہ ہے کہ سفارتی کوششیں اب ایک اہم اور ممکنہ طور پر فیصلہ کن مرحلے میں داخل ہو چکی ہیں۔
ایرانی وزیرِ خارجہ عباس عراقچی کی اسلام آباد میں وزیرِ اعظم شہباز شریف، اسحاق ڈار اور فیلڈ مارشل عاصم منیر سے اہم ملاقات۔عراقچی نے کہا کہ پاکستان ایران کی خارجہ پالیسی میں خاص اہمیت رکھتا ہے،مذاکرات میں جنگ بندی، علاقائی امن اور پاک ایران تعاون پر تبادلہ خیال کیا گیا۔
وزیراعظم شہباز شریف نے ڈیزل کی قیمت میں 32 روپے 12 پیسے فی لیٹر کمی کی منظوری دے دی۔ ڈیزل کی نئی قیمت 353 روپے 43 پیسے فی لیٹر ہو گی جبکہ پیٹرول کی قیمت کو برقرار رکھا گیا ہے۔
سعودی عرب نے پاکستان کیلئے 8 ارب ڈالر کی مالی معاونت کا اعلان کر دیا، اسٹیٹ بینک میں 5 ارب ڈالر کے ڈپازٹ کی توسیع اور مزید 3 ارب ڈالر کا اضافہ شامل۔ یہ اقدام پاکستان کی معیشت کو سہارا دینے اور استحکام کو مضبوط بنانے کی جانب اہم پیش رفت ہے۔
وائٹ ہاؤس نے پاکستان کو امریکا ایران سفارتی عمل کا مرکزی کردار قرار دیتے ہوئے کہا ہے کہ دنیا کے کئی ممالک نے مدد کی پیشکش کی تاہم مذاکراتی عمل میں ’’اسلام آباد ہی واحد ثالث ہے‘‘ جبکہ صدر ڈونلڈ ٹرمپ کی ترجیح ہے کہ رابطہ پاکستان کے ذریعہ ہی جاری رکھا جائے۔
پاکستان نے سعودی عرب کے ساتھ دفاعی معاہدے کے تحت کِنگ عبدالعزیز ایئربیس پر فوجی دستہ تعینات کر دیا جس میں لڑاکا و معاون طیارے بھی شامل ہیں۔ یہ پیش رفت ایسے وقت میں ہوئی ہے جب اسلام آباد امریکا ایران تنازع کے پُرامن حل کیلئے مذاکرات کی میزبانی کر رہا ہے۔
امریکی سِکھ راہنما گُرپتونت سنگھ پنّوں اور اُن کی تنظیم ’’سِکھ فار جسٹس‘‘ نے پاکستانی آرمی چیف فیلڈ مارشل عاصم منیر اور امریکی نائب صدر جے ڈی وینس کو امن کے نوبل انعام 2027 کیلئے نامزد کر دیا۔ ناروے کی نوبل کمیٹی کو باضابطہ درخواست جمع کروا دی گئی۔
أجرى رئيس الوزراء الباكستاني شهباز شريف اتصالاً هاتفياً مع ولي العهد السعودي، جدّدت خلاله باكستان دعمها الثابت لقيادة المملكة وشعبها في أعقاب الهجمات على مصفاة الجبيل النفطية، فيما أشاد الأمير محمد بن سلمان بالجهود الباكستانية الرامية إلى استعادة السلام في المنطقة.
وزیراعظم شہباز شریف کی سعودی ولی عہد سے ٹیلیفونک گفتگو؛ الجبیل آئل ریفائنری پر حملوں کے تناظر میں پاکستان کی جانب سے سعودی عرب کی قیادت اور عوام کیلئے غیر متزلزل حمایت کا اعادہ، شہزادہ محمد بن سلمان نے خطہ میں امن کی بحالی کیلئے پاکستانی کوششوں کو سراہا۔