پی آئی اے کے یورپ داخلہ پر تین ماہ کی مزید پابندی عائد

یورپین یونین سیفٹی ایجنسی نے پی آئی پر لگائی گئی پابندی پر مزید تین ماہ کی توسیع کردی ہے ہفتہ ۲۸ دسمبر کو یورپین یونین سیفٹی ایجنسی نے پی آئی اے کوآگاہ کر دیا ہے کہ یہ پابندی سول ایوی ایشن کے سیفٹی آڈٹ کے بعد ہی ہٹانا ممکن ہوگا

واضع رہے کہ یورپی پونین نے یورپ جانے والی پی آئی اے کی تمام فلائٹس پر رواں برس جولائی میں پابندی عائد کی تھی یہ خبر اس وقت سامنے آئی ہے جب پابندی بڑھانے سے قبل پاکستانی وزیرہوابازی غلام سرور خان کا بیان سامنے آیا تھا جس میں انہوں نے اس امید کا اظہارکیا تھا کہ پی آئی اے پر یورپین یونین کی جانب سے لگائی گئی پابندی جلد ہٹا لی جائیگی واضع رہے یہی وہ موصوف وزیرہوابازی ہیں جنکی جانب سے پی آئ اے کے پائلٹس کے لائسنسز پر لگائے گئے الزامت کے بعد پی آئی اے کی یورپ جانیوالے پروازوں پر چھے ماہ کی پابندی عائد کی تھی جسکو اب مزید تین ماہ کیلئے بڑھا دیا گیا ہے

پی آئی اے کے سی ای او ائیر مارشل ارشد ملک کی جانب سے یورپین ایوی ایشن اتھارٹی کو لکھے گئے خط میں کہا گیا تھا کہ پی آئی اے پر سے یورپ کی پروازوں پر سے عارضی بنیادوں پر پابندی ہٹا لی جائے جسکو یورپین ایوی ایشن سیفٹی اتھارٹی نے رد کردیا ہے اور کہا ہے کہ پابندی ہٹانے کیلئے لگائی گئی پیشگی شرائط کوپورا کرنا لازمی ہے