عمران خان اب اپنے لیے دعا کرو!، بلاول بھٹو زرداری

عمران خان اتنا جھوٹ بولو جس پر کوئی اعتبار بھی کرلے پہلے اپنے ارد گرد ہونیوالے کرپشن کی کہانیوں پر نظر دوڑاو پھر دوسروں پر الزام لگاو۔

Raaye dein

Tarjuma ho raha hai… 0 / 2 Asal tehreer parhein

چئیرمین پی پی پی بلاول بھٹو زرداری نے میڈیا سے گفتگو کرتے ہوئے کہا ہے کہ عمران خان کو دوسروں پر الزام لگانے سے پہلے وہ کہانیاں سن لیں جوپنجاب کی بیوروکریسی اور مختلف ادارے خاتون اول کی کرپشن کے بارے میں سنا رہے ہیں انہوں نے بتایا کہ کہا جارہا ہے کہ پنجاب میں کوئی پوسٹنگ اسوقت تک نہیں ہوسکتی جب تک خاتون اول کو پیسے نہ دیے جائیں۔

انہوں نے مزید کہا کہ کیا پاکستانی عوام اتنی بے وقوف ہیں کہ وہ اس بات پر یقین کرلیں کہ عمران خان کی ہمشیرہ علیمہ خان نے سلائی مشینیں چلا کراتنا زیادہ پیسہ بنا لیا ہے انکو چاہیے کہ اتنا جھوٹ بولیں جس پر کسی کو یقین بھی آجائے۔

بلاول بھٹو نے عمران خان کو مخاطب کرتے ہوئے کہا کہ کہ عمران خان آپکو اندازہ ہی نہیں کہ آپ پر کیسے کیسے کیسز بننے جارہے ہیں عمران خان کو چاہیے کہ اب نہ صرف خود دعا کرے بالکہ خاتون اول سے بھی دعا کروائے۔

مولانا فضل الرحمان پر عمران خان کی جانب سے کیے گئے زبانی حملوں پر بلاول بھٹو نے کہا کہ اکرام اللہ نیازی کا بیٹا عمران خان ہے کون جودوسروں کے بارے ایسی زبان استعمال کررہا ہے حالانکہ اکرام اللہ نیازی کو خود کرپشن کی بنیاد پر نکالا گیا۔

بلاول بھٹو نے کہا کہ جو قوتیں سمجھتی ہیں کہ ہم ڈر جائینگے یا پیچھے ہٹ جائینگے وہ سمجھ لیں اور جان لیں کہ انکی رگوں میں شہید بینظیر بھٹو قائد عوام ذوالفقار بھٹو اور آصف زرداری کا خون ہے۔

آصفہ بھٹو زرداری پر ہوئے ڈرون حملہ بارے میں بلاول بھٹو زرداری نے کہ کہ میری بہن پر ہونیوالہ واقعہ میری برداشت سے باہر ہے میں نے اسوقت بڑے صبر کا مظاہرہ کیا مجھے لگتا ہے کہ ہم جو جمہوریت بچانے نکلے ہیں ہمیں اس حملہ کے ذریعہ پیغام دیا گیا ہے۔

TT News Desk

News from The Thursday Times' news desk.

More from this desk

The conversation

Comments are open on this story. An editor reads every one before it appears.

No one has said anything yet. Be the first.

Published by Thursday Media International thursday.media