پی ڈی ایم نے 23 مارچ کو لانگ مارچ کا اعلان کردیا

پی ڈی ایم کے سربراہ مولانا فضل الرحمان نے 23 مارچ کو پی ڈی ایم کے لانگ مارچ کا اعلان کرتے ہوئے کہا ہے کہ تحریک عدم اعتماد والے دن پارلیمنٹ ہاوس کے دروازے سے لیکر شارع دستور پر تاریخ کا عظیم الشان مظاہرہ ہوگا جس میں پارلیمنٹ کے تمام اراکین کو بحفاظت ایوان تک پہنچنے اور اپنا ووٹ استعمال کرنے کو مکمل کور مہیا کیا جائیگا۔

انہوں نے مزید کہا کہ 23 مارچ کا لانگ مارچ جب اسلام آباد پہنچے گا تو وہ کتنے دن رکے گا اسکا فیصلہ ہم تب کرینگے اس موقع پر انہوں نے مارچ میں شامل ہونے والوں کو کہا کہ وہ تیار رہیں کیونکہ عدم اعتماد تک وہ اسلام آباد میں ہی رہینگے انہوں نے اس موقع پر پیپلز پارٹی عوامی نیشنل پارٹی اور این ڈی ایم کو شرکت کی دعوت بھی دی۔

مولانا فضل الرحمان نے مزید کہا کہ ہم بہت کچھ کرنے جارہے ہیں انکو چھٹی کا دودھ یاد دلا دینگے اب ڈنڈے کا جواب ڈنڈے سے پتھر کا جواب پتھر سے دیا جائیگا انہوں نے کہا کہ جو زبان حکومت کیجانب سے استعمال کی جارہی ہے اس زبان کو خاموش کرنا ہے۔