گیم از اوور، مریم نواز

مسلم لیگ نواز کی نائب صدر مریم نواز نے میڈیا سے گفتگو کرتے ہوئے کہا کہ اگر کوئی نیوٹرل ہونے کی بات کررہا ہے تو یہ اچھی بات ہے اس پر کسی کو سیخ پا ہونے اورتڑپنے کی کوئی ضرورت نہیں۔

انہوں نے عمران خان کو مخاطب کرتے ہوئے کہا کہ آپ کو میرا پیغام ہے کہ اب آپکی بلند ہوتی ہوئی چیخیں کسی کام نہیں آئینگی آپ کو اب بچانے کوئی نہیں آئیگا دی گیم از اوور۔

انہوں نے کہا کہ آج اگر انکے لیے کوئی گنتی پوری کرنےکو تیار نہیں تو یہ انکو جانور کہنا شروع ہوگئے ہیں گنتی تو انکی بھی پوری نہیں تھی نہ 2018 میں نہ گلگت بلتستان نہ آزاد کشمیر نہ سینٹ الیکشن میں پوری تھی یہ چاہتے ہیں انکے مخالفین کو جیل میں ڈالا جائےسزائے موت کی چکیوں میں رکھا جائے۔

مریم نواز کا کہنا تھا کہ صرف ایک لفظ نیوٹرل نے انکی 22سالہ جدوجہد انکی پوری جماعت دھڑام سے زمین پر آگری ہے اور انکی پوری جماعت کا جیسے شیرازہ بکھرا ہے ایسا تو کبھی کسی تانگہ پارٹی کا نہیں ہوا۔

اس موقع پر مریم نواز نے کہا کہ دس بندے ان سے اپنے پورے نہیں ہورہے اور چلے ہیں یہ دس لاکھ بندے لانے سیدھی سی بات ہے اپنے دس بندے پورے کرلو آپکو دس لاکھ لوگ لانے کی مشقت نہیں کرنا پڑیگی وزیراعظم کی کرسی پر موجود ہونے کے باجود انکی جماعت ریت کیطرح انکے ہاتھ سے کھسکتی جارہی ہے۔

مریم نواز نے کہا کہ جس نواز شریف کو کہتے تھے اسکی سیاست ختم ہوگئی ہے وہ نواز شریف جسکو آپ نے جیل میں ڈالا اسکی بیٹی کو جیل میں ڈالا اسکی پوری جماعت کو جیلوں میں ڈالا وہی نواز شریف آج لندن میں بیٹھ کر آپکو آپکے گھر میں گھس کر مار رہا ہے۔

انہوں نے کہا کہ عمران خان آپ کسی سازش کا شکار نہیں ہوئے بالکہ مکافات عمل کا شکار ہیں آپ غرور تکبربڑے بولوں کا شکار ہوئے ہیں جو عبرت کا نشان آپ آج بنے ہوئے ہیں تو وہ وقت یاد آتا ہے جب ہزارہ برادری کوئٹہ میں اپنے پیاروں کی لاشیں رکھ کر بیٹھے آپکو بلارہے تھے اور آپ نے انکار کردیا تھا۔

مریم نواز کا کہنا تھا کہ انکی خارجہ پالیسی کا حال یہ ہے کہ بیرونی ممالک سے دیے گئے تحائف یہ جاکر بیچ آتے ہیں آج یہ انٹرنیشنل سازش کی باتیں کرتے ہیں تو بتائیں کہ کچھ عرصہ پہلے تک بائیڈن کی کال کا انتظار کررہے تھے کوششیں کررہے تھے اور جب کال نہیں آئی تو انکو سازش یاد آگئی۔

آج یہ کہتے ہیں امر بالمعروف تو بتائیں یہ کونسی نیکی اچھائی کا حکم دے رہے ہیں کیا آٹے سبزیوں چینی دالوں تیل پٹرول دوائیوں کی قیمتیں آسمان پر پہنچا دی ہیں کیا عوام اس اچھائی میں آپکا ساتھ دیں۔

انہوں نے کہا کہ جو شخص اپنے حلف میں خاتم النبیین نہ بول سکے جو صلی اللہ علیہ وسلم نہ کہہ سکے جو روحانیت کو رحونیت کہے وہ بلاول کی اردو پر باتیں کرتا ہے انکی نکلیں اتارتا ہے کس منہ سے وہ ان پر تنقید کرتا ہے۔

مریم نواز نے کہا کہ بطور ایک ماں پاکستانی ماوں سے درخواست ہے کہ ایک شخص جسکا ذہنی توازن خراب ہے وہ اگر ٹی وی پر آکر بدتمیزی کرتا ہے اور بدتمیزی کی ترغیب دیتا ہے تو اپنے بچوں کو وہاں سے اٹھا دیا کریں کیونکہ ہم نہیں چاہتے کہ ہمارے بچوں میں یہ کلچر سرائیت کرے۔

مریم نواز نے اسلام آباد کی انتظامیہ کو پیغام ہے کہ ایسا شخص جو ہار چکا ہے اور پاکستانی عوام کے نشانہ پر ہے اسکے احکامات بجا نہ لائیں اس تمام آئینی قانونی عمل میں مداخلت نہ کریں ورنہ اسکے نتائج بھگتنے کیلئے تیار رہیں۔