الوداع عمران خان الوداع، مریم نواز

عمران خان کے سرپرائز والا خفیہ خط نہ وزارت خارجہ نہ وزارت داخلہ کے ذریعہ آیا ہے بالکہ وہ خط جادو ٹونے کے ذریعہ بنی گالہ میں کبوتروں کے ذریعہ بھجوایا گیا ہے۔

Raaye dein

Tarjuma ho raha hai… 0 / 3 Asal tehreer parhein

مسلم لیگ کی نائب صدر مریم نواز نے اسلام آباد میں پی ڈی ایم کے جلسہ سے خطاب کرتے ہوئے کہا ہے ہے کہ جن کے دماغوں میں رعونت بھر جائے جن کے دماغوں اور دلوں میں تکبر بھر جائے انکا یہی حشر ہوتا ہے جو آج عمران خان کا ہوا ہے اس موقع پر انہوں نے یہ شعر پڑھا

یہ کون بول تھا خدا کے لہجے میں

یہ وقت کس کی رعونت پہ خاک ڈال گیا

مریم نواز نے کہا کہ جن کی صبح کا آغاز گالیوں سے ہو جن کی شام گالیوں سے ہوتی ہو جن کی صبح بدتمیزی سے شروع ہوتی ہو اور شام بھی بدتمیزی سے ہوتی ہو ان کاوہی حشر ہوتا ہے جو آج عمران خان کا ہورہا ہے۔

مریم نواز نے اس موقع پرالوداع الوداع عمران خان الوداع کے نعرے لگوائے۔

مریم نواز جو عوام کا پارلیمنٹ کا اور اپنی جماعت کا اعتماد کھو چکا ہے اسکو نہ پارلیمنٹ میں بیٹھنے کا نہ وزیراعظم ہاوس میں بیٹھنے کا اور نہ عوام پر حکمرانی ہے حق ہے اور نہ اس ملک کی تقدیر کے فیصلے کرنے کا حق نہیں ہے۔

مریم نواز نے اس موقع پر کہا کہ جب بندریا کے پاوں جلتے ہیں تو وہ اپنے بچوں پر پاوں رکھ دیتی ہے آج اسی طرح عمران خان کے پاوں جلنے لگے تو اس نے بزدار پر اپنا پاوں رکھ دیا۔

ان کا کہنا تھا کہ قوم سرپرائز کا انتظار کرتی رہی اور یہ دو گھنٹے عوام کے دماغ کا دہی بنا کر نکل گیا کھودا پہاڑ نکلا چوہا۔

مریم نواز نے کہا کہ عمران خان کے سرپرائز والا خفیہ خط نہ وزارت خارجہ نہ وزارت داخلہ کے ذریعہ آیا ہے بالکہ وہ خط جادو ٹونے کے ذریعہ بنی گالہ میں کبوتروں کے ذریعہ بھجوایا گیا ہے۔

مریم نواز کا کہنا تھا کہ گر پاکستان کیخلاف کوئی عالمی سازش ہوئی ہے تو اس کا سب سے بڑا آلہ عمران خان ہے کوئی پاکستان کیلئے اتنا خطرے ناک نہیں ہے جتنا عمران خان خود خطرناک ہے۔

اس موقع پر مریم نواز نے عمران خان کیا تمہیں عالمی طاقتوں نے کہا تھا کہ تم 22کروڑ عوام کے ملک کو جادو ٹونے سے چلاو اس کے دور میں 22 کروڑ کا ملک یا جادو ٹونے سے چلتا ہے یا فرح جسکے تانے بانے بنی گالہ والے گھر سے ملتے ہیں اسکو رشوت دیکر چلایا جاتا ہے۔

س ملک میں تقرریاں اور تبادلے یا جادو ٹونے اور حساب کتاب سے کیے جاتے ہیں یا پھر فرح اور بنی گالہ کو رشوت دیکر کیے جاتے ہیں اس موقع پر انہوں نے کہا کہ جب اسکے اسکینڈلز کی داستانیں منظر عام پر آئینگی تو لوگوں کے ہوش اڑ جائینگے۔

جو شخص کلمہ نہ ٹھیک طور پر پڑھ سکے جسکو اپنے حلف میں خاتم النبیین نہ کہنا آئے جو شخص ﷺ نہ کہہ سکے جو جلسے میں مغرب کے وقت فجر کی اذان شروع کردے اسکو کوئی حق نہیں کہ مذہب کا نام لے۔

مریم نواز نے اس موقع پر کہا کہ عمران خان جتنا بڑا جھوٹا ڈرامے باز نوسرباز بدتمیز بدتہذیب پاکستان نے کبھی نہیں دیکھا لیکن اتنا بڑا فتنہ بھی پاکستان میں کبھی کسی نے نہیں دیکھا۔

TT News Desk

News from The Thursday Times' news desk.

More from this desk

The conversation

Comments are open on this story. An editor reads every one before it appears.

No one has said anything yet. Be the first.

Published by Thursday Media International thursday.media