سڑک پر پھرتے شخص کو کہا گیا آؤ تمہیں انصاف دیں گے، پاکستان کے ساتھ ظلم کرنے کی کیا ضرورت تھی؟ نواز شریف

سڑک پر پھرتے شخص کو کہا گیا کہ آؤ تمہیں انصاف دیں گے، میں پوچھتا ہوں کہ پاکستان کے ساتھ ایسا ظلم کرنے کی کیا ضرورت تھی؟ ہم نے عالمی مالیاتی ادارہ (آئی ایم ایف) کو واپس بھیج دیا تھا مگر پھر بعد میں کون واپس لایا تھا یہ سب جانتے ہیں۔

Raaye dein

Tarjuma ho raha hai… 0 / 4 Asal tehreer parhein

A file photo is shown of incumbent PML(N) president Nawaz Sharif (L) and Chief Minister for the Punjab Maryam Nawaz (R). — FILE/THE THURSDAY TIMES
A file photo is shown of incumbent PML(N) president Nawaz Sharif (L) and Chief Minister for the Punjab Maryam Nawaz (R). — FILE/THE THURSDAY TIMES

— میاں محمد نواز شریف نے کہا ہے کہ پاکستان کے ساتھ اچھا سلوک نہیں کیا گیا، سڑک پر پھرتے شخص کو کہا گیا کہ آؤ تمہیں انصاف دیں گے، میں پوچھتا ہوں کہ پاکستان کے ساتھ ایسا ظلم کرنے کی کیا ضرورت تھی؟

وزیرِ اعلٰی پنجاب مریم نواز شریف اور حکمراں جماعت پاکستان مسلم لیگ (ن) کے صدر میاں محمد نواز شریف کی زیرِ صدارت چیف منسٹر سولر پینل فنانسنگ سکیم سے متعلق امور کا جائزہ لینے کیلئے خصوصی اجلاس منعقد ہوا جس میں سینیٹر پرویز رشید، رانا ثناء اللّٰہ، مریم اورنگزیب اور دیگر راہنما بھی شریک تھے۔

اجلاس کے دوران وزیرِ اعلٰی پنجاب مریم نواز شریف نے سولر پینل فنانسنگ سکیم کو آسان تر بنانے کا حکم دیتے ہوئے سکیم کے اجراء کیلئے کارروائی جلد مکمل کرنے کی ہدایت کی جبکہ سیکرٹری انرجی نعیم رؤوف کی جانب سے چیف منسٹر سولر پینل فنانسنگ سکیم سے متعلق تفصیلی بریفننگ دی گئی۔

چیف منسٹر سولر پینل فنانسنگ سکیم سے متعلق اجلاس میں فیصلہ کیا گیا کہ پائلٹ پروجیکٹ کے تحت مختلف مقامات پر چیف منسٹر سولر پینل فنانسنگ سکیم کا ٹیسٹ رن شروع کیا جائے گا جبکہ سولر سسٹم کی آن لائن مانیٹرنگ اور ٹیسٹ رن کی کامیابی کا جائزہ لے کر 14 اگست سے سولر سکیم لانچ کر دی جائے گی۔

اجلاس میں کہا گیا کہ لوڈ شیڈنگ سے ستائے شہریوں کیلئے حکومت پہلے فیز میں ایک لاکھ سے زائد صارفین کو قرعہ اندازی کے ذریعہ سولر پینلز فراہم کرے گی جبکہ بجلی چوری، ایک سے زائد میٹرز، خراب یا ٹیمپرڈ میٹرز اور بل ادائیگی نہ کرنے والے صارفین سولر سکیم کے اہل نہیں ہوں گے۔

وزیرِ اعلٰی پنجاب مریم نواز شریف اور صدر مسلم لیگ (ن) میاں نواز شریف کی زیرِ صدارت اجلاس میں فیصلہ کیا گیا ہے کہ ضلعی انتظامیہ اور ڈسٹری بیوشن کمپنی قرعہ اندازی میں کامیاب صارف کے کوائف کی تصدیق کریں گے اور سکیم کے پینلز مارکیٹ میں فروخت ہونے سے بچانے کیلئے سولر پینلز اور سسٹم پر بار کوڈ اور کیو آر کوڈ موجود ہو گا۔

اس موقع پر وزیرِ اعلٰی پنجاب مریم نواز شریف نے کہا کہ سولر پینل فنانسنگ سکیم کا دائرہ کار بتدریج بڑھائیں گے، آٹا اور بجلی کے نرخ لوگو ں کی معاشی حالت کو بری طرح متاثر کرتے ہیں، ہم عوام کو ریلیف دینے کیلئے ہر ممکن اقدام کریں گے۔

قائدِ مسلم لیگ (ن) نواز شریف نے کہا کہ ہمیں عوام کی پرواہ ہے، عوام کو ریلیف دینے کیلئے جو بھی کرنا پڑا وہ کریں گے، بجلی کا بل کوئی بھی ادا نہیں کرسکتا، یہ صرف غریب لوگوں کیلئے ہی نہیں بلکہ ہر کسی کیلئے مصیبت بن چکا ہے، ہم نے اپنے دورِ حکومت میں لوڈ شیڈنگ کو ختم کیا اور بجلی کے نرخ کو بھی کنٹرول میں رکھا۔

میاں محمد نواز شریف کا کہنا تھا کہ سڑک پر پھرتے شخص کو کہا گیا کہ آؤ تمہیں انصاف دیں گے، میں پوچھتا ہوں کہ پاکستان کے ساتھ ایسا ظلم کرنے کی کیا ضرورت تھی؟ پاکستان کے ساتھ اچھا سلوک نہیں کیا گیا، ہم نے عالمی مالیاتی ادارہ (آئی ایم ایف) کو واپس بھیج دیا تھا مگر پھر بعد میں کون واپس لایا تھا یہ سب جانتے ہیں۔

TT News Desk

News from The Thursday Times' news desk.

More from this desk

The conversation

Comments are open on this story. An editor reads every one before it appears.

No one has said anything yet. Be the first.

Published by Thursday Media International thursday.media