اسلام آباد (تھرسڈے ٹائمز) — پاکستان نے 2024 کے اقوام متحدہ کے ای-گورنمنٹ ڈویلپمنٹ انڈیکس میں ایک قابل ذکر کامیابی حاصل کی ہے۔ اس ترقی نے پاکستان کی درجہ بندی کو 150 ویں سے بڑھا کر 136 ویں نمبر تک پہنچا دیا ہے، جو کہ ایک بڑی بہتری ہے۔ یہ پاکستان کا پہلا موقع ہے جب اسے “ہائی ای جی ڈی آئی” زمرے میں شامل کیا گیا ہے، جو کہ پہلے “مڈل ای جی ڈی آئی” زمرے میں تھا۔
اقوام متحدہ کے اس انڈیکس میں پاکستان کا نیا اسکور 0.5095 تک پہنچ چکا ہے، جو کہ 2022 میں 0.4238 تھا۔ اگرچہ پاکستان ابھی بھی عالمی رہنماؤں جیسے ڈنمارک (0.9847)، سنگاپور (0.969)، اور مالدیپ (0.6745) کے پیچھے ہے، لیکن یہ ترقی پاکستان کی ڈیجیٹل ترقی کے سفر میں ایک نمایاں سنگ میل ہے۔
پاکستان کا اقوام متحدہ کے ای-گورنمنٹ ڈویلپمنٹ انڈیکس میں 136 ویں پوزیشن پر پہنچنا اس بات کا ثبوت ہے کہ پاکستان کی جانب سے ڈیجیٹل گورننس کی کوششیں بار آور ثابت ہو رہی ہیں۔ یہ پیشرفت پاکستان کو ڈیجیٹل دنیا میں ایک مستحکم مقام فراہم اور آئندہ کے لیے مزید کامیابیوں کی راہ ہموار کرے گی۔∎
