واشنگٹن میں خطاب کرتے ہوئے نائب وزیراعظم و وزیر خارجہ اسحاق ڈار نے انکشاف کیا کہ پاکستان اور امریکہ ایک اہم تجارتی معاہدے کے آخری مراحل میں داخل ہو چکے ہیں، جو متوقع طور پر "دنوں میں" طے پا سکتا ہے۔ معاہدے میں ٹیکسٹائل، ڈیجیٹل تجارت، زراعت اور معدنیات جیسے شعبے شامل ہیں۔ پاکستان برآمدات پر محصولات میں کمی اور امریکی سرمایہ کاری کے فروغ کا خواہاں ہے، جبکہ امریکی حکام نے مذاکرات کو مثبت قرار دیا ہے۔
فرانسیسی صدر ایمانوئل میکرون نے مشرقِ وسطیٰ میں دیرپا امن کے لیے فلسطین کو تسلیم کرنے کا تاریخی اعلان کر دیا ہے۔ اُن کا کہنا ہے کہ ستمبر میں اقوام متحدہ کے اجلاس کے دوران فرانس ریاستِ فلسطین کو باضابطہ طور پر تسلیم کرے گا، تاکہ ظلم کا شکار فلسطینی عوام کو عالمی سطح پر انصاف اور شناخت دی جا سکے۔
روس نے افغانستان میں طالبان کی قیادت میں قائم اسلامی امارت کو باضابطہ طور پر تسلیم کرتے ہوئے طالبان حکومت کے ساتھ تعلقات کا نیا باب کھول دیا۔
امریکی صدر ڈونلڈ ٹرمپ کیمطابق ایران اور اسرائیل کے درمیان مکمل جنگ بندی طے پا گئی ہے، جس سے 12 روزہ جنگ کا خاتمہ ہو گیا۔ ٹرمپ نے اس معاہدے کو مشرقِ وسطیٰ کے لیے ایک تاریخی کامیابی قرار دیا اور دونوں ممالک کو استقامت و تدبر پر مبارکباد دی۔
امریکی صدر ڈونلڈ ٹرمپ پاک بھارت کشیدگی کے دوران مؤثر سفارتکاری اور قائدانہ کردار پر امن کے نوبل انعام کے مستحق ہیں، یہ واقعتاً امن کے قیام کیلئے ان کے کردار اور بات چیت کے ذریعہ تنازعات کے حل کیلئے ان کے عزم کا ثبوت ہے، توقع ہے کہ صدر ٹرمپ علاقائی اور عالمی استحکام کیلئے اپنا کردار ادا کرتے رہیں گے۔
پاکستان کے آرمی چیف فیلڈ مارشل سید عاصم منیرکی امریکی صدر ڈونلڈ ٹرمپ سے وائٹ ہاؤس میں اہم ملاقات، پاکستان اور بھارت کے درمیان جنگ بندی میں امریکی کردار، انسدادِ دہشتگردی میں تعاون، اور تجارت و ٹیکنالوجی سمیت کئی شعبوں میں شراکت داری کو وسعت دینے پر اتفاق۔ ملاقات کا دورانیہ دو گھنٹے سے زائد رہا، فیلڈ مارشل سید عاصم منیر نے حکومتِ پاکستان کی جانب سے صدر ٹرمپ کو پاکستان کے باضابطہ دورے کی دعوت بھی دی، جو باہمی مشاورت سے طے پائے گا۔
صیہونی حکومت نے بہت بڑی غلطی کی جس کا انجام اس کی تباہی پر ہو گا، وہ گمان نہ کریں کہ ہم پر حملہ کر کے بچ نکلیں گے، انہیں جنگ کے نتائج بھگتنا ہوں گے، ایران کی مسلح افواج دشمن پر کاری ضرب لگائیں گی۔
نخست وزیر شهباز شریف با رئیسجمهور ایران تماس برقرار کرد، تجاوزگری اسرائیل را به شدت محکوم نمود و حمایت کامل خود را از حاکمیت و دفاع ایران اعلام کرد. وی با بهرسمیت شناختن حق دفاع ایران بر اساس منشور سازمان ملل متحد، بر ضرورت واکنش مشترک در برابر ظلم و ستمهای اسرائیل تأکید نمود۔
اسرائیل کی جانب سے ایران پر حملوں کے بعد جاری کیے گئے میزائل رینج نقشہ میں پورے کشمیر کو پاکستانی حدود کا حصہ بنا کر دکھا دیا گیا۔ اسرائیل کے ساتھ بھارت کے قریبی تعلقات کے باوجود اسرائیلی افواج نے بظاہر کشمیر پر بھارتی دعویٰ تسلیم نہیں کیا۔
اسرائیل کی جانب سے ایران پر حملے بلاجواز اور اسکی خود مختاری کی سنگین خلاف ورزی ہے۔ ایسے اقدامات خطے کے امن، استحکام اور عالمی سلامتی کے لیے شدید خطرہ ہیں جنہیں کسی صورت نظرانداز نہیں کیا جا سکتا۔
