بھارتی حکومت کی بوکھلاہٹ؛ سوشل میڈیا ایکس (ٹوئیٹر) کو بین الاقوامی صحافیوں سمیت ہزاروں اکاونٹس بلاک کرنے کا حکم۔ ایکس نے اسے سنسرشپ پر پابندی قرار دیتے ہوئے قانونی راستہ اپنانے کا اعلان کردیا۔
نائب وزیراعظم اسحاق ڈار کا روسی وزیر خارجہ سرگئی لاوروف سے رابطہ، بھارتی اشتعال انگیزی پر بریفنگ۔ روس کا تشویش کا اظہار کرتے ہوئےسفارتی حل اور تحمل کو ناگزیر قرار۔ پاکستانی مؤقف کی حمایت ظاہر کرتی ہے اسلام آباد کی سفارت کاری روایتی اتحادیوں سےآگے بڑھ رہی ہے۔
بھارتی آرمی چیف جنرل دیویدی کا اعلیٰ افسران کو لکھا گیا خط بھارتی افواج میں اچانک تقرریوں اور ریٹائرمنٹ پر بڑھتی اندرونی بے چینی کو منظرِ عام پر لے آیا ہے۔ لیفٹیننٹ جنرل سچندرا کمار، ایئر مارشل دھارکر اور لیفٹیننٹ جنرل ڈی ایس رانا جیسے سینیئر افسران کی خاموش تبدیلیوں نے ادارے کے اندر عدم اعتماد کو جنم دیا، جس کا فائدہ پاکستان اٹھا رہا ہے۔
آذربائیجان نے پہلگام حملے پر ردعمل دیتے ہوئے غیرجانب دار اور شفاف بین الاقوامی تحقیقات کا مطالبہ کر دیا ہے۔ وزارتِ خارجہ کی جانب سے جاری بیان میں کہا گیا ہے کہ اس حملے کی آزادانہ تحقیقات کے ذریعے حقیقت سامنے لائی جائے تاکہ معاملے کا منصفانہ اور پائیدار حل ممکن بنایا جا سکے۔
امریکی صدر ڈونلڈ ٹرمپ نے کہا ہے کہ بھارت اور پاکستان اپنے درمیان بڑھتی ہوئی کشیدگی اور تنازعات خود حل کرنا ہوگا۔ دونوں ممالک میں تناؤ شدید ہے، مگر ایسا ہمیشہ سے رہا ہے۔
پوپ فرانسس، پہلے لاطینی امریکی پوپ، 88 برس کی عمر میں وفات پا گئے۔ ان کی پاپائیت چرچ میں اصلاحات، غزہ اور فلسطینیوں کی حمایت، اور عالمی انسانی مسائل پر بھرپور توجہ سے عبارت رہی۔
بین الاقوامی ریٹنگز ایجنسی فچ نے پاکستانی مالی اصلاحات، زرمبادلہ ذخائر میں بہتری اور آئی ایم ایف پروگرام میں پیش رفت کے باعث پاکستان کی کریڈٹ ریٹنگ مستحکم کردی۔ پاکستانی درجہ بندی میں اضافہ عالمی مالیاتی اداروں کے اعتماد کی علامت ہے۔
امریکی صدر صدر ٹرمپ نے چین پر 125 فیصد محصولات عائد کردیے، دیگر ممالک کیلئے 90 دن کی محصولات میں عارضی رعایت کا اعلان۔
چین کی جانب سے امریکہ کو بھرپور جواب، امریکی صدر ڈونلڈ ٹرمپ کی جانب سے چینی مصنوعات پر عائد ٹیرف کے ردِعمل میں چین نے بھی امریکی مصنوعات پر 34 فیصد اضافی ٹیرف عائد کرنے کا اعلان کردیا۔
