کراچی الیکشن: نظریہ بمقابلہ دھاندلی

دو ہزار اٹھارہ الیکشن والی تاریخ ایک مرتبہ پھر ۲۰۲۱ میں دہرائی گئی ن لیگ جو ۲۰۱۸ الیکشن میں جیت رہی تھی آخری وقت میں ہار گئی یا ہروا دی گئی بالکل اسی طرح ۲۹ اپریل کو ہونے والے کراچی الیکشن میں ن لیگ آخر تک لیڈ حاصل کیے ہوئے تھی اور پھر اچانک اسکی لیڈ کم ہونا شروع ہوئی اوروہ الیکشن ہارگئی یا ہروا دی گئی

دو ہزار اٹھارہ انتخابات اور ۲۰۲۱ کے ضمنی انتخابات میں مشترکہ بات یہ رہی کہ دونوں مرتبہ ن لیگ تقریبا 700 ووٹوں سے الیکشن ہاری فرق یہ تھا کہ ۲۰۱۸ میں تحریک انصاف کامیاب ہوئی یا کروائی گئی اور اس مرتبہ پیپلز پارٹی کامیاب ہوئی یا کروائی گئی

جب پیپلز پارٹی کی جیت کا اعلان ہوا تو مریم نواز نے سماجی رابطے کی سائیٹ پرٹویٹ کیا اور کہا کہ کراچی اورخصوصا این اے 249 کی تہہ دل سے شکر گزار ہوں کہ انھوں نے نواز شریف اور مسلم لیگ ن کو ووٹ دیا اور مفتاح اسماعیل کو منتخب کیا

مریم نواز کے اس پیغام سے یہ بات واضع ہوجاتی ہے کہ مسلم لیگ ن اس حلقہ سے خود کو کامیاب تصور کرتی ہے اور مزید یہ کہ وہ اس الیکشن رزلٹس کو قبول نہیں کرتی

کراچی الیکشن کے حیران کن نتیجہ نے دھاندلی کے بیانیہ کوایک مرتبہ پھرتقویت عطا کردی ہے یہاں پر پیپلز پارٹی کی جیت پربڑے شک و شبہات کا اظہار کیا جارہا ہے کئی صحافیوں نے اس پر بات بھی کی ہے

معروف صحافی اور کالم نگار عمار مسعود لکھتے ہیں کہ جب نتائج آنے میں تاخیر ہوتی ہے تو کہیں دھند چھا رہی ہوتی ہے

معروف صحافی طلعت حسین نے لکھا کہ ابھی ابھی خبر آئ ہے کہ کراچی میں ن لیگ کی جیت سے ملک کی سلامتی خطرے میں پڑ سکتی ہے وقت کم ہے اور کام زیادہ۔

معروف صحافی حامد میر نے لکھا کہ الیکشن کمیشن نے تو کمال کر دیا 11 گھنٹے گذرنے پر بھی پورا رزلٹ نہیں آیا تاخیر کی وجہ پوری دنیا کو یہ یقین دلانا ہے کہ این اے ۲۴۹ میں سب ہار گئے اور دھاندلی بیگم سحری کے بعد جیت گئی

کراچی الیکشن میں ایک سب سے حیران کن بات تحریک انصاف کا پہلے تین نمبرز پر بھی نہ آنا رہا واضع رہے کہ یہ سیٹ تحریک انصاف کے ایم این اے اور وفاقی وزیرفیصل واوڈا کے سینیٹر بننے کے بعد خالی ہوئی تھی

پہلے پختونخواہ پھر پنجاب اور اب کراچی میں پے درپے ناکامیاں تحریک انصاف کیلئے بہت بڑا سوالیہ نشان بن گئی ہیں لگتا ہے عمران خان کا تبدیلی کا نعرہ بری طرح پٹ رہا ہے جسکی بنیادی وجہ ملک میں بڑھتی مہنگائی اور لاقانونیت ہے تحریک انصاف حکومت کی ساری توجہ اپوزیشن خصوصا مسلم لیگ ن کو زیرعتاب رکھنے پر مرکوز لگتی ہے جسکی وجہ سے ملکی معاملات پر انکی گرفت کمزور نظر آتی ہے

اینکر منیب فاروق لکھتے ہیں مطلب کہ پی ٹی آئی نے تماشہ ہی بنا لیا ہے۔ ہر بائی الیکشن میں چھترول۔ آج تو ناک ہی کٹوا دی۔

عمران خان حکومت نے تین برس تو جیسے تیسے کرکے نکال لیے لیکن آنے والے بقیہ دوبرس انکے لیے خاصے مشکل نظرآرہے ہیں مریم نواز کا رویہ ہر گزرتے دن کیساتھ جارحانہ ہوتا جارہا ہے میاں نواز شریف کا موڈ بھی جارحانہ ہے شہباز شریف بھی رہا ہوگئے ہیں اور حمزہ شہبازبھی اب پس دیوار زنداں نہیں اسلئے لگتا ہے کہ تحریک انصاف کیلئے آنے والا وقت ہر گزرتے دن کیساتھ مشکل سے مشکل تر ہوتا جائیگا