اسحاق ڈار کا سینٹ کی نشست کا حلف اٹھانےکاعندیہ

الیکشن کمیشن نے سپریم کورٹ کے فیصلے کی روشنی میں 10 جنوری 2022 کا میری سینٹ نشست پر کامیابی کو معطل کرنے کا اپنا نوٹیفیکیشن واپس لے لیا ہے لہذا قانونی رکاوٹیں دور ہونے کے بعد میں بطور منتخب رکن سینٹ حلف اٹھانے کیلئے دستیاب ہوں سابق وزیرخزانہ اسحاق ڈار۔

اسحاق ڈار نے چئیرمین سینٹ کو خط تحریرکیا ہے جس میں لکھا ہے کہ چونکہ میں برطانیہ میں زیرعلاج ہوں اسلئے ذاتی طور پر آنے سے قاصر ہوں اسلئے ورچوئل طریقہ سے حلف لیا جائے۔

اسحاق ڈار نے مزید لکھا ہے کہ اگر ورچوئل طریقہ سے حلف لینا ممکن نہ ہو تو چئیرمن سینٹ برطانیہ میں پاکستانی ہائی کمشنر یا کسی مجاز شخص کے ذریعے حلف لے سکتے ہیں۔

اسحاق ڈار کی چئیرمن سینٹ سے آئین کے آرٹیکل 255 کی ذیلی شق 2 کے مطابق ان سے حلف لینے کی استدعا کی ہے اسحاق ڈار نے چئیرمن سینٹ کو اپنے خط میں آئین کے آرٹیکل 255 کی ذیلی شق 2 کا حوالہ بھی شامل کیا ہے انکا کہنا ہے کہ آئین کے آرٹیکل 255 میں اس ضمن میں مکمل اور واضح راہنمائی موجود ہے۔

سابق وزیر خزانہ اسحاق ڈارنے چیئرمین سینیٹ کو لکھے گئے خط کی کاپی الیکشن کمیشن کو بھی بھیجوا دی اسحاق ڈار نے خط کے ہمراہ لندن میں اپنے معالج کی طبی رائے اور رپورٹس بھی ارسال کی ہیں۔