میں سیاست میں آلو ٹماٹر کی قیمتیں چیک کرنے کیلئے نہیں آیا، عمران خان

عمران خان نے حافظ آباد میں جلسہ سے خطاب کرتے ہوئے کہا ہے کہ اللہ عمران خان کو سب کچھ دے چکا تھا جو میں زندگی میں چاہتا تھا اللہ مجھے دے چکا تھا انہوں نے اس موقع پر نظریہ پاکستان سمجھانے کی بھی کوشش کی انہوں نے کہا کہ میں پچیس برس سے عوام میں تبلیغ کررہا ہوں۔

اس موقع پر انہوں نے کہا کہ اللہ نے آپ کو اجازت نہیں دی کہ ایک طرف برائی ہو اورانسان کہے کہ میں تو کسی طرف بھی نہیں ہوں انہوں نے مغرب کا حوالہ دیتے ہوئے کہا کہ انہوں نے مغرب میں بہت وقت گزارا ہے اور وہاں کسی کی جرات نہیں ہوتی کہ وہ ممبر اسمبلی کو خریدنے کی کوشش کرے۔

عمران خان نے کہا کہ انہوں نے سیاست اسلئے نہیں شروع کی تھی کہ وہ آلو ٹماٹڑ کی قیمتیں چیک کرتے پھریں انہوں نے مزید کہا کہ وہ بیرون ملک سوٹ پہن کر نہیں جاتے بالکہ شلوار قمیض پہن کر جاتے ہیں کیونکہ وہ باہر والوں کو بتانا چاہتے ہیں کہ انکے ملک کے معاشی حالات بہتر نہیں اور وہ ایسا کرکے اپنے ملک کا پیسہ بچا رہا ہوں۔

انہوں نے کہا کہ جب وہ روس گئے تو روسی صدر نے انکو تین گارڈ آف آنر پیش کیے۔

عمران خان نے اس موقع پر کہا کہ وہ پورے ملک میں پناہ گاہیں بنانے جارہے ہیں جہاں لوگوں کو مفت کھانا اور نہانا ملے گا اسکے بعد وہ دوکانیں اور احساس سنٹر بنائیں گے اور اسطرح ملک فلاحی ریاست بن جائیگا عمران خان نے دوسرے ممالک کا موازنہ کرتے ہوئے کہا کہ پٹرول پاکستان میں آج بھی سب سے سستا ہے بالکہ ان ممالک سے بھی سستا ہے جہاں سے انکا اپنا تیل نکلتا ہے۔