Columns

News

بینک آف امریکا نے پاکستان کے ڈالر بانڈز کا درجہ بڑھا کر ہیوی ویٹ کرنے کی تجویز دے دی، جریدہ بلومبرگ

بینک آف امریکا نے پاکستان کا درجہ مارکیٹ ویٹ سے بڑھا کر ہیوی ویٹ کرنے کے تجویز دے دی، پاکستان میں عام انتخابات نے سیاسی بےیقینی کو کم کیا جس سے پاکستان کے ڈالر بانڈز میں عالمی سرمایہ کاروں کی دلچسپی میں اضافہ ہوا ہے۔

عمران خان اور بشریٰ بی بی پر 190 ملین پاؤنڈز کرپشن کیس میں فردِ جرم عائد کر دی گئی

اڈیالہ جیل راولپنڈی میں احتساب عدالت نے 190 ملین پاؤنڈز کرپشن کیس میں سابق چیئرمین تحریکِ انصاف عمران خان اور ان کی اہلیہ بشریٰ بی بی پر فردِ جرم عائد کر دی، ملزمان کا صحتِ جرم سے انکار، سماعت 6 مارچ تک ملتوی کر دی گئی۔

قومی اسمبلی کا اجلاس 29 فروری کو صبح 10 بجے ہو گا

صدر عارف علوی کے انکار کے بعد قومی اسبملی سیکرٹریٹ نے قومی اسمبلی کا اجلاس 29 فروری کو صبح 10 بجے بلا لیا۔

مریم نواز شریف پنجاب کی پہلی خاتون وزیرِ اعلٰی منتخب ہو گئیں

رف مسلم لیگ (ن) کی وزیرِ اعلٰی نہیں ہوں بلکہ پنجاب کے 12 کروڑ عوام کی وزیرِ اعلٰی ہوں، میرے دل میں کسی کیلئے انتقام کا جذبہ نہیں ہے، مجھے اس میں آپ سب کا ساتھ چاہیے، انشاءاللّٰه ہم ایک بہتر پنجاب بنائیں گے۔

مسلم لیگ (ن) کے ملک محمد احمد خان پنجاب اسمبلی کے سپیکر منتخب ہو گئے

مسلم لیگ (ن) کے ملک محمد احمد خان 224 ووٹس حاصل کر کے پنجاب اسمبلی کے سپیکر منتخب ہو گئے، سنی اتحاد کونسل کے امیدوار احمد خان بھچر کو شکست کا سامنا کرنا پڑا۔
Newsroomکسی بھی مُلْک کو پاکستان کے اندرونی معاملات میں مداخلت کا کوئی...

کسی بھی مُلْک کو پاکستان کے اندرونی معاملات میں مداخلت کا کوئی حق نہیں ہے، نگران وزیراعظم

کسی بھی مُلْک کو ہمارے اندرونی معاملات میں مداخلت کا کوئی حق حاصل نہیں، سیاسی لوگوں کو پُرامن احتجاج کا حق حاصل ہے لیکن پُرتشدد احتجاج کے خلاف کارروائی کی جائے گی، کسی صورت انارکی کی اجازت نہیں دیں گے، نگران وزیراعظم انوار الحق کاکڑ۔

spot_img

اسلام آباد (تھرسڈے ٹائمز) — نگران وزیرِ اعلیٰ انوار الحق کاکڑ نے پریس کانفرنس کرتے ہوئے کہا ہے کہ انتخابات کے حوالہ سے کسی کو کوئی اعتراض ہے تو اس کیلئے متعلقہ فورمز موجود ہیں، سیاسی لوگوں کو پُرامن احتجاج کا حق حاصل ہے لیکن پُرتشدد احتجاج کے خلاف کارروائی عمل میں لائی جائے گی، کوئی بھی حکومت انارکی پھیلانے کی اجازت نہیں دیتی اور ہم بھی یہ اجازت نہیں دیں گے۔

نگران وزیراعظم انوار الحق کاکڑ نے کہا ہے کہ 8 فروری کو پولنگ کا وقت مکمل ہونے کے بعد پہلے اڑھائی گھنٹوں میں ہی سوشل میڈیا اور ڈیجیٹل میڈیا کے ذریعہ یہ جھوٹ پھیلا دیا گیا کہ پاکستان میں دھاندلی ہو گئی ہے اور نتائج بدلے جا رہے ہیں حالانکہ حقیقت میں ایسا کچھ نہیں تھا، اگر کسی کو لگتا ہے کہ کوئی خامیاں ہیں تو اس کیلئے متعلقہ فورمز موجود ہیں۔

نگران وزیراعظم کا کہنا تھا کہ انتخابات کے انعقاد میں سکیورٹی اداروں نے اہم کردار ادا کیا، دہشتگردی کے خطرات کے باوجود انتخابات کا انعقاد پُرامن رہا، پاکستان کو بہت سارے چیلنجز درپیش ہیں اور ان چینلجز کے باوجود جمہوری تسلسل خوش آئند ہے، پاکستان ایک مستحکم اور ذمہ دار ریاست ہے، سیاسی لوگوں کو پُرامن احتجاج کا حق حاصل ہے لیکن پُرتشدد احتجاج کے خلاف کارروائی عمل میں لائی جائے گی، کوئی بھی حکومت انارکی پھیلانے کی اجازت نہیں دیتی اور ہم بھی یہ اجازت نہیں دیں گے۔

انوار الحق کاکڑ نے کہا کہ پاکستان میں 8 فروری کے عام انتخابات کے حوالہ سے دہشتگردی کے خدشات تھے اور اس معاملہ میں رپورٹس کی بنیاد پر الیکشن کے روز موبائل فون سروس بند کی گئی تھی لیکن انٹرنیٹ بند نہیں کیا گیا تھا بلکہ پورے ملک میں براڈ بینڈ سروس کام کرتی رہی، دہشتگردی کے حوالہ سے موبائل فون سم کے استعمال سے متعلق سب آگاہ ہیں اور الیکشن سے ایک روز قبل پشین اور قلعہ سیف اللّٰہ میں اسی طریقہ کار کے تحت دہشتگردی کے واقعات ہوئے تھے۔

ایک صحافی کی جانب سے تاریخ میں اپنے کردار کے حوالہ سے سوال کے جواب میں نگران وزیراعظم کا کہنا تھا کہ کچھ لوگوں نے ایمان کی حد تک جھوٹ کو سچ مان رکھا ہے اور ایسے لوگوں کے ساتھ دلیل سے بات کی جائے تو وہ سن نہیں سکتے، جہاں تک تاریخ لکھنے کی بات ہے تو کیا 2018 کے الیکشن کے حوالہ سے آپ کو تاریخ کا خیال نہیں آتا؟ انتخابات 2013 سے متعلق 35 پنکچرز جیسے الزامات لگائے گئے اور بعد میں کہا گیا کہ وہ سیاسی بیان تھا، اس وقت جوڈیشل کمیشن بھی تشکیل پایا تھا جس نے کہا کہ انتخابات 2013 شفاف طریقہ مکمل ہوئے ہیں۔

نگران وزیراعظم انوار الحق کاکڑ نے کچھ ممالک کی جانب سے پاکستان کے عام انتخابات کے حوالہ سے بیانات پر بات کرتے ہوئے کہا کہ کسی بھی ملک کو ہمارے اندرونی معاملات میں مداخلت کا کوئی حق نہیں، پاکستان ایک خودمختار ریاست ہے اور ہمارے اپنے قوانین ہیں، ہمیں جو کرنا ہو گا وہ ہم خود کریں گے، کیپیٹل ہل پر جو کچھ ہوا اس پر پاکستان نے کچھ نہیں کہا لہذا امریکہ کو بھی ہمارے بارے میں کچھ کہنے کا کوئی حق نہیں ہے۔

Read more

میاں نواز شریف! یہ ملک بہت بدل چکا ہے

مسلم لیگ ن کے لوگوں پر جب عتاب ٹوٹا تو وہ ’نیویں نیویں‘ ہو کر مزاحمت کے دور میں مفاہمت کا پرچم گیٹ نمبر 4 کے سامنے لہرانے لگے۔ بہت سوں نے وزارتیں سنبھالیں اور سلیوٹ کرنے ’بڑے گھر‘ پہنچ گئے۔ بہت سے لوگ کارکنوں کو کوٹ لکھپت جیل کے باہر مظاہروں سے چوری چھپے منع کرتے رہے۔ بہت سے لوگ مریم نواز کو لیڈر تسیلم کرنے سے منکر رہے اور نواز شریف کی بیٹی کے خلاف سازشوں میں مصروف رہے۔

Celebrity sufferings

Reham Khan details her explosive marriage with Imran Khan and the challenges she endured during this difficult time.

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
spot_img
Subscribe
Notify of
guest
0 Comments
Inline Feedbacks
View all comments
error: