بشار الاسد کے اقتدار کے خاتمے پر شامی فٹ بال فیڈریشن نے قومی ٹیم کی کٹ سرخ سے سبز میں تبدیل کر دی، جو تجدید اور اتحاد کی علامت ہے۔ سرخ رنگ، بعث پارٹی اور الاسد خاندان کی حکمرانی کا نشان تھا، جبکہ سبز رنگ تبدیلی اور نئی امید کی عکاسی کرتا ہے۔
پاکستان سٹاک مارکیٹ میں تاریخی تیزی کا رجحان برقرار، سٹاک ایکسچینج میں 1 لاکھ 10 ہزار کی نفسیاتی حد عبور ہو گئی، سٹاک ایکسچینج بینچ مارک KSE ہنڈرڈ انڈیکس میں 1 ہزار 175 سے زائد پوائنٹس اضافہ کے ساتھ 1 لاکھ 10 ہزار 229 پوائنٹس تک پہنچ گیا۔
ترک صدر رجب طیب اردگان نے خود کو اور روسی صدر ولادیمیر پیوٹن کو دنیا کے واحد باقی ماندہ تجربہ کار رہنما قرار دے دیا ہے۔
شامی باغیوں نے دمشق پر قبضہ کر کے اسد کے خاندان کی 50 سالہ حکمرانی کا خاتمہ کر دیا۔ صدر بشار الاسد ملک سے فرار ہو گئے، مشرق وسطیٰ میں طاقت کے توازن میں بڑی تبدیلی اور شام کے لیے ایک نئے سیاسی دور کا آغاز۔
عمران خان نے 2014 میں سول نافرمانی کا اعلان کرتے ہوئے عوام کے سامنے بجلی کا بل جلایا اور بجلی کے بل نہ دینے کا کہا، جبکہ ان کے اپنے بنی گالہ گھر میں سولر پینلز لگے ہوئے تھے۔ وہ سیاسی فائدے کے لیے خواتین اور بچوں کو انسانی ڈھال بنا کر استعمال کرتے ہیں۔ دوسروں کی بیٹیوں اور بیگمات پر اعتراض کرنیوالوں کو اپنی باری آنے پر موروثیت پر کوئی اعتراض نہیں ہوتا۔
شامی باغیوں نے دمشق کے مضافاتی علاقوں میں پیش قدمی کی ہے، جس کے نتیجے میں حکومتی افواج کو پیچھے ہٹنا پڑا، اسد کی حکومت خطرے میں پڑ گئی، اور بڑھتے ہوئے تنازعے کے باعث شہری نقل مکانی پر مجبور ہو گئے ہیں۔
پاکستانی فورسز کی خیبرپختونخواہ میں خوارج کے نیٹ ورکس کو ختم کرنے کیلئے موثر کاروائیاں، 22 شدت پسند ہلاک ہوئے اور کئی زخمی۔ تھل میں ایک شدید جھڑپ کے دوران چھ بہادر سیکیورٹی اہلکار شہید۔ یہ آپریشنز پاکستان کے دہشت گردی کے خاتمے کے غیر متزلزل عزم کو اجاگر کرتے ہیں۔
عمران خان کا 14 دسمبر سے سول نافرمانی کی تحریک شروع کرنے کا اعلان۔ 9 مئی اور 26 نومبر کے واقعات کی تحقیقات کے لیے جوڈیشل کمیشن کا قیام اور انڈر ٹرائل سیاسی قیدیوں رہائی کا مطالبہ۔
پاکستان انٹرنیشنل ایئرلائنز (پی آئی اے) 10 جنوری سے یورپ کیلئے اپنی پروازیں دوبارہ شروع کر رہی ہے۔ پہلی پرواز اسلام آباد سے پیرس روانہ ہوگی، یہ فیصلہ یورپی یونین ایوی ایشن سیفٹی ایجنسی کی چار سالہ پابندی ختم کرنے کے بعد کیا گیا ہے۔ یورپی روٹس کی بحالی پی آئی اے کیلئے ایک اہم سنگ میل ہے۔
امریکی محکمہ خارجہ کے نائب ترجمان ویدانت پٹیل نے ایلون مسک و ایرانی سفیر ملاقات سے متعلق سوال کو غیرمتعلقہ اور صحافیوں کی بےعزتی قرار دیا۔ صحافی نے ’’تھرسڈے ٹائمز‘‘ کی پوسٹ پر ردعمل میں کہا کہ سوال کا مقصد سمجھا جاتا تو گفتگو آگے بڑھ سکتی تھی مگر صحافت اور احترام کا سبق شروع کر دیا گیا۔
