spot_img

Columns

Columns

News

عالمی عدالتِ انصاف نے بنجمن نیتن یاہو اور یحییٰ سنوار کے وارنٹ گرفتاری طلب کر لیے

عالمی عدالتِ انصاف (آئی سی سی) نے اسرائیلی وزیراعظم بنجمن نیتن یاہو، اسرائیلی وزیرِ دفاع یوو گیلنٹ اور حماس راہنماؤں یحییٰ سنوار، محمد دیاب المصیری و اسماعیل ہنیہ کے وارنٹ گرفتاری طلب کر لیے۔

ایرانی صدر ابراہیم رئیسی ہیلی کاپٹر حادثے میں جاں بحق ہو گئے

ایرانی صدر ابراہیم رئیسی کا ہیلی کاپٹر ایرانی علاقہ آذربائیجان میں گر کر تباہ، حادثہ میں ایرانی صدر، وزیرِ خارجہ حسین امیر، مشرقی آذربائجان کے گورنر ملک رحمتی اور صوبہ میں ایرانی صدر کے نمائندے آیت اللہ علی سمیت تمام افراد جاں بحق ہو گئے۔

وزیرِ اعلٰی پنجاب مریم نواز شریف نے ’’نواز شریف آئی ٹی سٹی‘‘ کا سنگ بنیاد رکھ دیا

وزیر اعلٰی پنجاب مریم نواز شریف نے پاکستان کے پہلے انفارمیشن ٹیکنالوجی منصوبے ’’نواز شریف آئی ٹی سٹی‘‘ کا افتتاح کر دیا۔ آئی ٹی سٹی کا نام نواز شریف کے نام پر رکھا گیا ہے کیونکہ نواز شریف ہی جدید پاکستان کے بانی ہیں۔

ہماری حکومت کا تختہ نہ الٹایا جاتا تو آج ہم ایشیاء سمیت پوری دنیا میں بہت آگے ہوتے، نواز شریف

ہماری حکومت کا تختہ نہ الٹایا جاتا تو آج ہم ایشیاء سمیت پوری دنیا میں سب سے آگے ہوتے، تین بندوں نے 25 کروڑ عوام کے منتخب وزیراعظم کو بیٹے سے تنخواہ نہ لینے پر نکال دیا، پھر ایک ایسا بندہ لایا گیا جس نے ملک میں تباہی مچا دی۔

نواز شریف کو 28 مئی (یومِ تکبیر) کو پاکستان مسلم لیگ (ن) کا صدر منتخب کیا جائے گا

پاکستان مسلم لیگ (ن) کی سینٹرل ورکنگ کمیٹی کا اجلاس؛ نواز شریف کو 28 مئی (یومِ تکبیر) کو پاکستان مسلم لیگ (ن) کا صدر منتخب کیا جائے گا، وزیراعظم شہباز شریف 28 مئی تک مسلم لیگ (ن) کے قائم مقام صدر نامزد۔
OpinionInternationalڈولتا ہوا افغانستان
spot_img

ڈولتا ہوا افغانستان

Hammad Hassan
Hammad Hassan
Hammad Hassan has been a columnist for over twenty years, and currently writes for Jang.
spot_img

تازہ ترین صورتحال یہ ہے  کہ بظاہر تو افغانستان خاموش اور خوابیدہ ہے کیونکہ طالبان نہ صرف کابل پر قابض ہو چکے ہیں بلکہ اب کے بار انہوں نے ماضی کے برعکس لبرل اور دوستانہ رویہ اختیار کرتے ہوئے محاذ آرائی سے بھی گریز کی پالیسی اختیار کی ہے۔ 

لیکن جو لوگ محض دانشوری بیچنے کی بجائے زمینی حقائق تک رسائی رکھتے ہیں وہ جانتے ہیں کہ افغانستان کے ظاہری خدو خال سے حقیقی صورتحال بہت حد تک مختلف ہوتی جا رہی ہے۔ 

بہت کم لوگوں کو معلوم ہے کہ احمد شاہ مسعود کے آبائی ریاست پنج شیر پر طالبان قابو پانے میں کامیاب نہیں ہو سکے ہیں بلکہ احمد شاہ مسعود کا بیٹا احمد مسعود  استاد عطاء اور رشید دوستم کی مانند اپنا علاقہ چھوڑ کر تاجکستان یا ازبکستان بھی نہیں گیا جس سے پنج شیر پر اس کی مظبوط گرفت کا اندازہ لگایا جا سکتا ہے۔ 

یاد رہے کہ شمال میں موجود ہونے کے باوجود پنج شیر افغانستان کی وہ واحد ریاست تھی جس پر روس قبضہ نہیں کر سکا تھا اور احمد شاہ مسعود نے طویل عرصے تک ایک حیرت انگیز مزاحمت کی تھی۔

افغانستان کے سابق نائب صدر امر اللہ صالح بھی اس وقت پنج شیر میں ہیں اور وہاں سے طالبان کے خلاف اپنی صدارت کےقانونی اور  قبضے کے خلاف حربی اعلان بھی فرما رہے ہیں لیکن حقائق یہ ہیں کہ امر اللہ صالح کو پنج شیر میں حمایت تو درکنار بلکہ الٹا شدید عوامی ردعمل کا سامنا ہے البتہ احمد شاہ مسعود کا بیٹا اس وقت وہ واحد جنگجو ہے جو کھل کر طالبان کے خلاف میدان میں موجود ہے۔ 

طالبان کے خلاف احمد مسعود کا رویہ فی الحال کافی جارحانہ ہے

تازہ ترین اطلاعات کے مطابق اس نے پنج شیر سے ملحقہ خجان اور اندراب اضلاع بھی طالبان سے چھین لئے ہیں جبکہ امر اللہ صالح کو  بھی سیاسی حوالے سے  اس کی تائید حاصل ہے۔

اطلاعات کے مطابق رشید دوستم کا بیٹا یار محمد دوستم بھی تاجکستان سے واپس پہنچ چکا ہے لیکن اپنے زیر اثر ریاستوں فاریاب جوزجان اور قندوز جانے کی بجائے وہ پنج شیر چلے گئے ہیں۔ 

گویا اس وقت کابل کے مقابلے میں پنج شیر شمالی اتحاد اور وہاں کے جنگجوؤں کا مرکز بنتا جا رہا ہے جبکہ طالبان بھی پنج شیر کی طرف پیش قدمی کر رھے ہیں۔

اگر چہ شمالی اتحاد کے ایک اہم رہنما عبداللہ عبداللہ کابل میں موجود ہیں لیکن ایک عام رائے یہ ہے کہ انہیں شمال کی نمائندگی کرنے کے لئے روکا گیا ہے۔

افغانستان کی سیاست اور مزاج کو سمجھنے والے تجزیہ نگاروں کا خیال ہے کہ ایک غیر محسوس طریقے سے طالبان مخالف  شمالی اتحاد ایک مشترکہ منصوبے کی طرف بڑھتا دکھائی دے رہا ہے۔ 

اس وقت وسیع البنیاد حکومت کے قیام کے لئے احمد مسعود سمیت شمالی اتحاد کے دوسرے رہنماؤں کو اگر چہ رابطے میں لیا جا رہا ہے لیکن اگر خدا نخواستہ مذاکرات ناکامی سے دوچار ہوئے تو جنگ کا خطرہ بڑھ جائے گا لیکن یاد رکھنا چاہیے کہ شمالی ریاستوں میں طالبان کا اثر و رسوخ بھی کافی حد تک موجود ہے۔ 

جبکہ دوسری طرف کابل میں طالبان گلبدین حکمت یار اور حامد کرزئی قریب آتے جا رہے ہیں یاد رہے کہ یہ تمام لوگ پختون ہیں اور ان کا تعلق بھی عمومی طور پر  جنوبی ریاستوں سے ہے۔

بلکہ طالبان قیادت اور حامد کرزئی کا آبائی علاقہ  قندھار ہونے کے ساتھ قبیلہ بھی ایک (پوپلزئی) ھی ہے۔

ملا برادر  جمعہ کے دن کابل پہنچ چکے ہیں اور (ھفتہ کے دن) ایک اہم اجلاس میں شرکت بھی کی جس میں مستقبل کی حکومت کے حوالے سے لائحہ عمل طے کیا جائے گا۔ 

حال ہی میں طالبان رہنما خلیل حقانی اور انس حقانی گلبدین حکمت یار سے بھی ملاقات کر چکے ہیں۔ 

لیکن اس تمام منظر نامے کے عقب میں کچھ اور حقائق بھی موجود ہیں جس  میں سے ایک یہ بھی ہے کہ طالبان کے اندر فکری حوالے سے دو واضح گروپ بھی  ہیں۔ 

قندھار شوری کو سخت گیر مانا جاتا ہے جبکہ حقانی گروپ قدرے معتدل ہیں۔

سنا ہے کہ طالبان کی نئی لبرل پالیسی پر حقانی گروپ کا غلبہ ہے جبکہ قندھار گروپ کو اس پر تحفظات ہیں۔ 

دوسری طرف شمالی اتحاد میں بھی ایک واضح دراڑ موجود ہے اور یہی وجہ ہے کہ بلخ اور ہرات ریاستوں نے ابھی خود کو شمالی اتحاد کے بنتے نئے مرکز پنج شیر سے خود کو ایک  فاصلے پر رکھا۔

موجودہ حالات کو دیکھتے ہوئے یقینا بہت سارے اندیشے بھی سر اٹھانے لگتے ہیں کہ خدا نخواستہ کہیں پھر سے جنوب اور شمال ایک دوسرے کے مقابل نہ آ جائیں اور یہی وجہ ہے کہ قدرے خاموش اور پر امن حالات کے باوجود بھی افغانستان ڈولتا اور لرزتا ہوا محسوس ہو رہا ہے۔

Subscribe
Notify of
guest
0 Comments
Inline Feedbacks
View all comments

Read more

نواز شریف کو سی پیک بنانے کے جرم کی سزا دی گئی

نواز شریف کو ایوانِ اقتدار سے بے دخل کرنے میں اس وقت کی اسٹیبلشمنٹ بھرپور طریقے سے شامل تھی۔ تاریخی شواہد منصہ شہود پر ہیں کہ عمران خان کو برسرِ اقتدار لانے کے لیے جنرل باجوہ اور جنرل فیض حمید نے اہم کردارادا کیا۔

ثاقب نثار کے جرائم

Saqib Nisar, the former Chief Justice of Pakistan, is the "worst judge in Pakistan's history," writes Hammad Hassan.

عمران خان کا ایجنڈا

ہم یہ نہیں چاہتے کہ ملک میں افراتفری انتشار پھیلے مگر عمران خان تمام حدیں کراس کر رہے ہیں۔

لوٹ کے بدھو گھر کو آ رہے ہیں

آستین میں بت چھپائے ان صاحب کو قوم کے حقیقی منتخب نمائندوں نے ان کا زہر نکال کر آئینی طریقے سے حکومت سے نو دو گیارہ کیا تو یہ قوم اور اداروں کی آستین کا سانپ بن گئے اور آٹھ آٹھ آنسو روتے ہوئے ہر کسی پر تین حرف بھیجنے لگے۔

حسن نثار! جواب حاضر ہے

Hammad Hassan pens an open letter to Hassan Nisar, relaying his gripes with the controversial journalist.

#JusticeForWomen

In this essay, Reham Khan discusses the overbearing patriarchal systems which plague modern societies.
error: