پاکستانی پاسپورٹ دنیا کا چوتھا کمزو ترین پاسپورٹ قرار

پاسپورٹ کی عالمی درجہ بندی والے ادارے ہینلے پاسپورٹ انڈکس نے 2022 کی عالمی پاسپورٹ درجہ بندی جاری کی ہے جس کے مطابق پاکستانی پاسپورٹ کا عالمی درجہ بندی میں 108 واں نمبر ہے۔

 پاسپورٹ کی عالمی درجہ بندی میں 111 ممالک شامل ہیں جس سے واضع ہوتا ہے کہ پاکستانی پاسپورٹ مضبوط ترین پاسپورٹ کہ فہرست میں 108 ویں نمبر پر اور اس لحاظ سے کمزور ترین پاسپورٹ میں چوتھے نمبر پرموجود ہے پاکستان سے نیچے صرف شام عراق اور افغانستان جیسے ممالک شامل ہیں ہیں جبکہ یمن سومالیہ نیپال شمالی کوریا اور لیبیا جیسے ممالک کا پاسپورٹ بھی پاکستانی پاسپورٹ سے زیادہ مضبوط حیثیت کا حامل ہے۔

اگر خطے میں موجود ممالک کو دیکھیں تو بھارت کا مضبوط ترین پاسپورٹس کی فہرست میں نمبر 83 سری لنکا 102 بنگلہ دیش 103 اور نیپال 105ویں نمبر پر موجود ہیں۔

پاسپورٹ رینکنگ 2022 کے مطابق جاپان اور سنگا پور مشترکہ طور پر پہلے نمبر پرہیں جسکا مطلب ہے کہ ان ممالک کے لوگ 192ممالک میں ویزہ فری سفر کرسکتے ہیں جبکہ جرمنی اور جنوبی کوریا مشترکہ طور پر دوسرے نمبر پرہیں لہذا ان ممالک کے لوگ 190 ملکوں میں ویزہ فری سفر کرسکتے ہیں۔

اٹلی سپین اور فن لینڈ کا پاسپورٹ طاقتور ترین پاسپورٹس کی فہرست میں مشترکہ طور پر تیسرے نمبر پر ہے اور یہاں کے شہری 189 ممالک میں ویزہ فری سفر کرسکتے ہیں۔ آسٹریا ڈنمارک فرانس ہالینڈ اور سویڈن مشترکہ طور پر چوتھے نمبر ہیں یہاں کے شہری 188 میں ویزہ فری جبکہ آئرلینڈ کا مضبوط ترین پاسپورٹس کی درجہ بندی میں پانچواں نمبر ہے اور یہاں کے شہری 187 ممالک میں ویزہ فری سفر کرسکتے ہیں۔

پاسپورٹ عالمی درجہ بندی میں امریکی اور برطانوی پاسپورٹ چھٹے نمبر پر آسٹریلیا ساتویں نمبر پرمتحدہ عرب امارات 15 ویں نمبر پرموجودہ ہیں۔