چھین رہا ہے کپتان! روٹی کپڑا اور مکان

بلاول بھٹو زرداری نے عوامی مارچ کے گوجرانوالہ پہنچنے پر خطاب کرتے ہوئے کہا کہ عمران خان حکومت نے مہنگائی کرکے ملک کے ہر طبقہ کو مہنگائی کی سونامی میں دبا دیا اور مزدوروں کو بیروزگار بنا دیا ہے عمران خان نے ٹیکسوں کا طوفان کھڑا کرکے عوام کی زندگی کو اجیرن کردیا ہے۔

انہوں نے مزید کہا کہ مزدور کو اپنی محنت کا صلہ نہیں مل رہا اور کسانوں کو اپنی محنت کا معاوضہ نہیں مل رہا عمران خان نے ملک میں ایسا معاشی بحران پیدا کردیا ہے جسکی وجہ سے مہنگائی غربت تاریخی سطح تک پہنچ چکے ہیں۔

بلاول بھٹو کا کہناتھا کہ عمران خان ہر بات پر کہتے رہتے تھے کہ گبھرانا نہیں ہے آٹا مہنگا ہوا کہتے تھے گبھرانا نہیں بجلی مہنگی ہوئی گبھرانا نہیں پٹرول مہنگا ہوا گبھرانا نہیں گیس مہنگی گبھرانا نہیں لیکن اب وہ وقت آگیا ہے کہ وہ خود گبھرا رہا ہے اورخوفزدہ ہے۔

ان کا کہنا تھا کہ عمران خان کو پتہ نہیں کیا ہوگیا ہے کبھی کہتا ہے مجھے نکالا گیا تو میں بہت خطرناک ہوجاونگا آج مہنگائی بیروزگاری کو چھوڑ کراب یورپین یونین کیخلاف بولنے لگ گیاہے اب وقت آگیا ہے کہ اس سیلیکٹڈ کو گھر بھیج کر صاف شفاف الیکشن کروائے جائیں۔

بلاول بھٹو نے عمران خان کو مخاطب کرتے ہوئے کہا کہ عمران خان تم ہو کون تمہارا تو اپنا والد کرپشن پر نکالا گیا کیا یہی وجہ ہے کہ تم ہر ایک پر کرپشن کا جھوٹا الزام لگاتے ہو عمران خان تم تو خود فارن فنڈنگ کیس میں پکڑے گئے ہو انہوں نے مزید کہا کہ وقت آگیا ہے کہ اس سیلیکٹڈ کو اب جیل بھیجا جائے۔

انہوں نے مزید کہا کہ عمران خان آپ ایک ہفتہ جیل میں نہیں گزار سکیں گے جب آپ کی جیل جانے کی بارے آئیگی تو دیکھیں گے کہ آپ نواز شریف آصف زرداری اور دوسرے بزرگ سیاستدانوں کیطرح کیسے جیل برداشت کروگے۔