یہ حکومت نہیں بالکہ ذلت اور شرمندگی ہے، مریم نواز

مسلم لیگ کی رہنما مریم نواز شریف نے سماجی رابطہ کی ویب سائٹ پر عمران خان کو مخاطب کرتے ہوئے لکھا ہے کہ

اے طائرِ لاہوتی! اس رزق سے موت اچھی
جس رزق سے آتی ہو پرواز میں کوتاہی
مگر یہ عزت والے انسان کے لیے ہے، آپ کے لیے نہیں۔

انہوں نے موجودہ حکومت کو مخاطب کرتے ہوئے کہا کہ یہ حکومت نہیں ذلت ہے، شرمندگی ہے۔ ایسی حکومت کا کیا فائدہ جس میں اپنے ہی اراکین کو نااہلی اور گھیراو کی دھمکیاں دے کر زبردستی ساتھ رکھنے کی سر توڑ کوششوں کے باوجود ناکامی کا سامنا کرنا پڑ رہا ہو اور جہاں اتحادیوں کے سامنے گھٹنے ٹیکنے کے بعد بھی آپ پسپا ہو رہےہوں؟

مریم نواز نے مزید لکھا کہ آج مجھے وہ الفاظ یاد آ رہے ہیں جو آپ نے ہزارہ برادری کو کہے تھے جو اپنے پیاروں کی لاشیں اپنے سامنے رکھ کر سردی میں دھرنا دیے بیٹھے تھے اور آپ کو پکار رہے تھے! ”میں بلیک میل نہیں ہوں گا مظلوموں کی وہ آہیں اب آپ کا پیچھا کر رہی ہیں۔