حمزہ شہباز کو وزیراعلی پنجاب بننے پر مبارکباد، مریم نواز

پنجاب اسمبلی کا اجلاس جو ڈپٹی اسپیکر پنجاب اسمبلی نے سپیکر پرویز الہی کی طرف سے پنجاب اسمبلی کو سیل کرنے کے بعد ایک ہوٹل میں طلب کیا تھا اس میں پنجاب اسمبلی کے 199 اراکین نے حمزہ شہباز پرکو ووٹ دیکر وزیراعلی پنجاب منتخب کرلیا ہے۔

اس موقع پر مریم نواز نے حمزہ شہباز کو مبارکباد دیتے ہوئے کہا کہ حمزہ شہباز شریف کو وزیراعلی پنجاب منتخب ہونے پر دل کی گہرائیوں سے مبارکباد دیتی ہوں آج اللہ تعالی نے نواز شریف اور شہباز شریف کو سرخرو کردیا ہے انہوں نے کہا کہ انشااللہ حمزہ شہباز پنجاب کے عوام کی خدمت کریگا اللہ تعالی انکو کامیاب کریں۔

مریم نواز کا کہنا تھا کہ 2013 میں پنجاب کے چرائے گئے مینڈیٹ کو چرانے کا بدلہ آج پنجاب کے عوام اور نواز شریف نے لے لیا ہے۔

اس موقع پر انہوں نے فرح گجر کا ذکر کرتے ہوئے کہا کہ سارا پاکستان جانتا ہے فرح گجر کس کی فرنٹ پرسن تھی کس کو ہر پوسٹنگ ٹرانسفر میں سے کمیشن دیتی تھی اور جب حساب کتاب کا وقت آیا تو آرام سے رات و رات برقع پہنا کر پاکستان سے فرار کروا دیا۔

مریم نواز نے پرویز الہی کو مخاطب کرتے ہوئے کہا کہ پرویز الہی میرے بزرگ ہیں میں انکی عزت کرتی ہوں لیکن ان سے میرا سوال ہے کہ کیوں انہوں نے اس آئین شکن عمران خان کا ساتھ دیا کیوں ایک ہاری ہوئی بازی کھیلی۔

مریم نواز کا کہنا تھا کہ عمران خان اور انکے ساتھیوں کو میرا پیغام ہے کہ یہ گیم تم بری طرح ہار چکے ہو چاہے آئین توڑو چاہے وکٹیں اٹھا کر بھاگ جاو چاہے میدان چھوڑ کر بھاگ جاو ہار ہی تمہارا مقدر ہے اس موقع پر انہوں نے کہا کہ پاکستان کا پہلا سولین ڈکٹیٹر ہونے کا اعزاز عمران خان کو حاصل ہوگیا ہے یہ پہلا سولین حکمران ہے جس نے پاکستان کا آئین توڑا ہے۔

مریم نواز نے اس موقع پر کہا کہ عمران خان کو اقتدار میں آنا ذلت کے راستے سے نصیب ہوا اور اقتدار سے جانا اس سے بھی زیادہ ذلت کے راستے سے نصیب ہوا ہے انہوں نے عمران خان کو مخاطب کرتے ہوئے کہا کہ یہ اپنی غداری اور آئین شکنی کو کہتا ہے میرے خلاف سازش ہوئی چلو بھر پانی میں ڈوب کر مرجاو۔

آخر میں مریم نواز نے مسلم لیگ ن کے ممبران صوبائی اسمبلی کو مخاطب کرتے ہوئے کہا کہ ورا سسٹم نواز شریف کیخلاف تھا لیکن ن لیگ کے ممبران نے جبر انتقام برداشت کیا لیکن نواز شریف کا انہوں نے ساتھ نہیں چھوڑا ان سب کو سلام ہے۔